Чәчәкләргә күмәсе иде
2014 елның 2 июле, чәршәмбе
27 июньдә муниципаль район башлыгы Алмас Назиров шәһәрдә ныклап төзекләндерелүче күп фатирлы йортларда булды, эшләрнең барышы белән кызыксынды, әлеге йортларда яшәүчеләр белән очрашып сөйләште.
Күпер урамындагы 9нчы, Тимер юл урамындагы 36нчы йортларда “Арча КСМы” ширкәте төзүчеләре эшли. Күп эш башкарылган, әмма билгеләнгән срокка сыеша алмаганнар. Тизләтергә, сыйфатка зыян килергә тиеш түгел.
— Һәр объектта кайчан нәрсә эшләргә тиешлеге күрсәтелгән график булдырырга һәм ул төгәл үтәлергә тиеш, — диде район башлыгы. — Әлеге йортларның территорияләрендә кычыткан үсеп утырырга тиеш түгел.
Көньяк урамындагы 24а йортны “Водоканал–Сервис” ширкәте төзекләндерә. Чүәк фабрикасы төзеткән 8 фатирлы йорт бу. Түбә астында булгач, шул җиткән дигәннәрме — идән астын да казып тормаганнар. Су, канализация турында уйлый торган заманнар түгел иде шул. Бүген инде без шәһәрдә яшибез, заманча уңайлыклары булмаган йортлар бетеп бара, ныклап төзекләндергәндә суы да керә, канализация дә эшләнә. Әмма көтмәгән каршылыклар да килеп туа. Әлеге йортның аскы катында яшәүчеләр чокырлар казып, канализация ясап куйганнар. Хәзер бөтен йортны канализацияле итәбез, дип килгән кешеләргә менә шушы аскы катта яшәүчеләр каршы чыга, үзләренеке булгач, башкаларда эшләре юк. Сөйләшүләр дәвам итә, әмма барыбер уртак фикергә килергә туры киләчәк. Фатирлар хосусыйлаштырылган булса да, йорт гомуми милек бит, анда кемнеңдер мәнфәгатьләренә зыян килергә тиеш түгел.
Район башлыгы Борһанов урамындагы 12нче, Жуков урамындагы 3нче, Банк урамындагы 41нче йортларны төзекләндерү-нең барышы белән дә кызыксынды, иң беренче эшнең сыйфатына игътибар итте. Йортлар матурлана, аларда яшәүчеләр өчен шартлар уңайлана. Шул ук вакытта күп фатирлы йортларда яшәүчеләр үз территорияләрен тәртиптә тотарга бурычлы. Арча шәһәре башкарма комитеты җитәкчесе Рафил Исмәгыйлев йортлар янындагы участокларның һәр фатирга бүлеп бирелүен әйтте. Әмма аларның күбесенә кул тимәгән, бер түтәл булса да суган үстермәгән кешеләрне аңлавы кыен. Матур йортлар янында бакчалар да чәчәккә күмелеп утырса, ничек күңелле буласы!
Ильяс ФӘТТАХОВ
Бүлешү:
СОҢГЫ ЯҢАЛЫКЛАР
15
май, 2026 ел
Татарстан Республикасы территориясендә уртача тәүлеклек һава температурасы нормадан 9-11° ка югарырак булган аномаль-эссе һава торышы көтелә, бу чорда һаваның максималь температурасы +26дан +33°ка кадәр җитә. Россия гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә: 1. Өйдә һава температурасын салкынча тотыгыз. Көндез тәрәзәләрне һәм тәрәзә капкачларын ябыгыз (әгәр булса, бигрәк тә тәрәзәләр кояшлы якка чыкса. Урамда һава температурасы бүлмәдәгегә караганда түбәнрәк булган төнгә тәрәзәләрне һәм тәрәзә капкачларын ачыгыз. Әгәр сезнең торак кондиционер белән җиһазландырылган икән, тәрәзәләрне һәм ишекләрне ябыгыз. Вентиляторлар бераз җиңеллек китерергә мөмкин, ләкин һава температурасы 35 градус С тан югары булганда, вентилятор җылылык авыруларыннан коткарып кала алмый. Бик күп эчәргә кирәк. 2. Эсседә булмаска тырышыгыз. Өйдәге иң салкын бүлмәгә күчегез, бигрәк тә төнлә. әгәр бу мөмкин булмаса, өйдә салкын температураны саклагыз, көненә 2-3 сәгать салкын биналарда (мәсәлән, кондиционерлар белән җиһазландырылган җәмәгать биналарында) үткәрегез. Тәүлекнең иң эссе вакытында урамга чыкмаска тырышыгыз. Көчле физик йөкләнештән сакланыгыз. Күләгәдә калырга тырышыгыз. Балаларны һәм хайваннарны парковкаланган автомобильләрдә калдырмагыз. 3. Тәннең артык җылынуына юл куймагыз, җитәрлек сыеклык эчегез. Салкынча душ алыгыз. Шулай ук салкын компресслар яки төрүләр ясарга, юеш салкын сөлгеләр кулланырга, тәнне салкын су белән сөртергә, аяклар өчен салкынча ванналар ясарга һ.б. мөмкин. табигый тукымалардан җиңел һәм иркен кием киегез. Урамга чыкканда киң кырыйлы эшләпә яки кепка яки Кояштан саклаучы күзлек киегез. Татлы һәм алкогольле эчемлекләрдән качып, эчү режимын саклагыз.
Әйләнә-тирә территорияне пычратуны киметү һәм икенчел ресурсларны хуҗалык әйләнешенә кертү, шулай ук каты коммуналь калдыклар өчен контейнер мәйданчыкларын чүпләмәү максатларында Арча муниципаль районында эшкәртелгән шиннар һәм покрышкалар өчен җыю мәйданчыгы булдырылды. Шиннарны чыгару һәм алга таба утильләштерү В.Д.Шашин ис.«Татнефть» ГАҖ көче белән түләүсез нигездә башкарылачак.
Мәйданчыкның адресы: Арча шәһәре, Космонавтлар ур., 2 йорт (координатлары: 56.097663, 49.896087, контейнер мәйданчыгы территориясе)
14
май, 2026 ел
Киләсе елда районыбызның нинди иҗтимагый киңлеген төзекләндерергә икәнен сайлыйбыз. Тавыш бирүдә барлыгы 3 объект катнаша.
Тавыш бирү өчен:
- http://zagorodsreda.gosuslugi.ru сайтында, моның өчен дәүләт хезмәтләре Порталы аша авторизация узарга кирәк;
- «Госуслуги. Решаем вместе» мобиль кушымтасы аша;
- тавыш бирү волонтерлары ярдәмендә - аларны «Мәрхәмәтле Татарстан»дип язылган махсус киемнәреннән танып була.
Бер генә иҗтимагый киңлек өчен тавыш бирергә мөмкин.
Иҗтимагый киңлекләр өчен тавыш бирү «Яшәү өчен Инфраструктура» милли проектының «Уңайлы шәһәр мохитен формалаштыру» Федераль проекты кысаларында уза.
Бөек татар шагыйре Габдулла Тукайның тууына 140 ел тулу һәм районыбызда игълан ителгән Тукай елы уңаеннан, сезне күңелле чарага – «Тукай марафонына» чакырабыз!
Без Арчадан шагыйрь яшәгән Яңа Кырлай авылына кадәр йөгереп барачакбыз.
Чара көне: 15 май
Җыелу урыны: Совет мәйданы
Старт: 10:30 сәгатьтә Совет мәйданыннан кузгалабыз.
Чара башланыр алдыннан, 10:00 сәгатьтә шунда ук, Совет мәйданында социаль челтәрләрдә узган «Без Тукайны укыйбыз. Арча» шигырь уку марафонына нәтиҗәләр ясалачак. Бу чарада җиңүчеләрне бүләкләп, аларның уңышларын билгеләп үтәрбез.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз