Халыкка якынаю әйбәт инде ул

Халыкка якынаю әйбәт инде ул^
Сеҗе авыл җирлегендә истәлекле вакыйгалар булып тора. Узган ел Сикертән авылында искиткеч мәдәни–спорт үзәге ачылган иде. Быел менә 27 июньдә тагын бер тантана — полиция участок инспекторының хезмәт һәм яшәү урыннарын берләштергән йортны тапшыру булды.
Мондый йортларны төзү турындагы тәкъдим белән республиканың эчке эшләр министры Артем Хохорин чыккан иде. Аны Президент Рөстәм Миңнеханов хуплады һәм махсус республика программасы кабул ителде. Арча районы әлеге прог-рамманы тормышка ашы-ру буенча да өлгерлек күрсәтә. Узган ел Урта Аты һәм Яңа Иябаш авылларында шундый йортлар файдалануга тапшырылды. Сикертәндәгесен дә “Арча КСМы” төзүчеләре, һава торышы нинди булуга кара-мастан, билгеләнгән вакытка өлгертте. Авылның ныклыгын арттырып, ямь биреп утыра бу йорт.
Тантанага Татарстан Республикасы эчке эшләр министры урынбасары — полиция җитәкчесе Рафаил Гыйльманов, муниципаль район башлыгы Алмас Назиров килгән иде.
Муниципаль район башлыгы Алмас Назиров үзенең чыгышында полиция хез-мәткәрләренең районда иминлекне саклауга зур өлеш кертүләрен билгеләп үтте. Участок инспекторлары хезмәте бик җаваплы.
Алмас Әминович поли-циянең участок инспекторы Ришат Гайнетдиновка яңа йортның ачкычларын тапшырды, эшендә уңышлар теләде. Ул “Арча КСМы” ширкәте җитәкчесе Рафаэль Муллагалиевка, “Ак барс” агрокомплексы” ширкәте җитәкчесе Шәйдулла Сәлаховка, төзелешкә өлеш керткән һәркемгә рәхмәт белдерде. “Тайд Фойл”, “Энергосервис” ширкәтләре җиһазлар алуда ярдәм күрсәткән.
Рафаил Гыйльманов республика Эчке эшләр ми- нистрлыгы исеменнән Ришат Гайнетдиновка хезмәттә файдалану өчен “Нива” машинасы ачкычлары тапшырды.
— Республика программасы буенча быел гына да шундый 38 йорт төзелә, — диде. — Район җитәкчелегенә, төзүчеләргә рәхмәт, матур итеп төзегәнсез, халыкка игелекле хезмәт итә торган булсын. Участок инспекторының халык арасында булуы әйбәт.
Рафаил Гыйльманов Арча муниципаль район башлыгы Алмас Назировка, “Арча КСМы” , “Ак барс” агрокомплексы” ширкәтләре җи-тәкчеләре Рафаэль Муллагалиевка, Шәйдулла Сәлаховка Рәхмәт хатлары тапшырды. Ришат Гайнетдинов шушы төбәктәге 14 авылга хезмәт күрсәтәчәк. Аңа әлеге хезмәтнең нечкәлекләренә төшенү өчен күп тырышырга туры киләчәк. Әмма янәшәдә терәк булырлык ышанычлы остаз — озак еллар участок инспекторы булып эшләүче, республикада күп тапкырлар җиңүче булган, халык арасында абруйлы Марсель Шәрәпов бар. Моңарчы әлеге авылларга да ул хезмәт күрсәтте, хәзер Урта Курса, Яңасала җирлекләренә кергән авылларга хезмәт күр-сәтә.
Ильяс ФӘТТАХОВ