Боксчыларның уңышлары

Боксчыларның уңышлары
Тренер–укытучы Ләйсән Галиева хәбәр иткәнчә, “Арча” спорт мәктәбендә 2013–2014 уку елында бокс белән шөгыльләнгән балаларның ирешкән уңышлары шактый:
Гөлүсә Галиева — Сербия Республикасында яшүсмер кызлар арасында “А” классындагы халыкара турнирда отты, Түбән Тагил шәһәрендә Россия беренчелегенә үткәрелгән ярышларда җиңү яулады һәм Россия спорт остасы нормативларын үтәде;
Ольга Коваленко — Татарстан Республикасы чемпионатында — җиңүче, зурлар арасындагы Россия Идел буе Федераль округы чемпионатында — өченче, “Россия профсоюзлары” җәмгыятенең Россия чемпионатында отты һәм зурлар арасындагы Россия чемпионаты финалына юллама алды;
Илмир Нуруллин — Татарстан Республикасы беренчелегендә — өченче, Казанда яшүсмерләр арасында Россия беренчелегенә уздырылган “Россия студентлар берлеге” ярышларында — өченче, Чехов шәһәрендә Александр Поветкин призына оештырылган Бөтенроссия турнирында — өченче;
Илнур Хәлиуллин — Татарстан Республикасы беренчелегендә — өченче, Волжск шәһәрендә үткән “Б” классындагы Бөтенроссия турнирында — өченче;
Тимур Сафиуллин — Татарстан Республикасы беренчелегендә — өченче, “Россия профсоюзлары” җәмгыяте буенча Россия беренчелегендә — өченче;
Азамат Галиев — Татарстан Республикасы беренчелегендә җиңүче, Оренбург өлкәсе Орск шәһәрендә үткән Россия Идел буе Федераль округы беренчелегендә — призчы. Шулай ук ул Арчада үткән Бөтенроссия турнирында отты.
Ата–аналар комитеты һәм иганәчеләр ярдәме белән Арча шәһәре һәм Татарстан Республикасы Төньяк–көнбатыш бокс Федерациясе Арча, Балтач һәм Кукмарада өч турнир үткәрде һәм төрле шәһәрләргә ярышларга баруны тәэмин итте.