Яңалыклар

РАЙОН ЭЧКЕ ЭШЛӘР БҮЛЕГЕНДӘ 2014 ЕЛНЫҢ БЕРЕНЧЕ ЯРТЫЕЛЛЫГЫ ЙОМГАКЛАРЫ БУЕНЧА КИҢӘШМӘ ҮТТЕ. АНДА РАЙОН ПРОКУРОРЫ РИНАТ СИТДЫЙКОВ, МУНИЦИПАЛЬ РАЙОН БАШЛЫГЫ УРЫНБАСАРЫ ЛЮБОВЬ ОСИНА КАТНАШТЫ.
10 ИЮЛЬГӘ РАЙОН ХУҖАЛЫКЛАРЫНДА 18254 ТОННА ПЕЧӘН ӘЗЕРЛӘНДЕ. ШУНЫҢ 1226 ТОННАСЫ СОҢГЫ БЕР КӨНГӘ ТУРЫ КИЛӘ.
“МӘРҖАНИ” ШИРКӘТЕ БЕР КӨНДӘ — 340, “КЫРЛАЙ” — 320, “ВАТАН” ШИРКӘТЕ 280 ТОННА ПЕЧӘН ӘЗЕРЛӘДЕ.
БАРЫСЫ 79171 ТОННА СЕНАЖ САЛЫНДЫ. “КЫРЛАЙ” ШИРКӘТЕ БЕР КӨНДӘ — 1425, “АК БАРС” АГРОКОМПЛЕКСЫ” 900 ТОННА СЕНАЖ САЛДЫ.

РАЙОН БУЕНЧА БЕР ШАРТЛЫ ТЕРЛЕККӘ 11 ЦЕНТНЕР АЗЫК БЕРӘМЛЕГЕ ӘЗЕРЛӘНДЕ. “АК БАРС” АГРОКОМПЛЕКСЫ”- НДА — 20,8, “ИГЕНЧЕ”ДӘ—19,2, “КУРСА МТСЫ”, “КЫРЛАЙ” ШИРКӘТЛӘРЕНДӘ 18 ЦЕНТНЕР. “АРЧА” ШИРКӘТЕНДӘ 3,3 ЦЕНТНЕР ГЫНА.

МӘДӘНИЯТ ЕЛЫ УҢАЕННАН ҺӘМ МӘДӘНИ–ТАРИХИ мирасны күреп, танышып кайту максатыннан Шушмабаш мәктәбе коллективы өч көнгә Санкт–Петербургка китте.

“СӨЙКЕМЛЕ ШҮРӘЛЕ” БӨТЕНХАЛЫК КОНКУРСЫНДА Шушмабаш мәктәбе укучысы Лилия Гилимуллинаның (җитәкчесе Асия Җаббарова) кул эше беренче урын яулады. Лилия Габдулла Тукайның бәрәңге турында шигыренә нигезләнеп, авыл өе, бәрәңге бакчаларының сүрәтен тапкырлап чиккән эшен тәкъдим иткән.

РАЙОН МӘКТӘПЛӘРЕ УКУЧЫЛАРЫНЫҢ ҖӘЙГЕ ЯЛЛАРЫ ДӘВАМ ИТӘ. 14 июльдән 20сенә кадәр Яңа Кенәр лицеендагы “Шатлык” лагеренда өченче смена ял итсә, шул ук көннәрдә 3 укучы Коркачыкта урнашкан “Форпост” лагеренда ял итәчәк. 27 июльдә бер төркем укучылар Анапага китә.

31 ИЮЛЬДӘН 17 АВГУСТКА КАДӘР БӨРЕЛЕДӘГЕ “КОСТЕР” ЛАГЕРЕНДА спорт һәм филология төркемнәре җыелачак. Шулай ук август аенда Коркачыкта хәрби–патриотик лагерь эшләячәк. Әлеге лагерьларда ял итәргә теләүчеләр район мәгариф идарәсенә 3–23–76 телефоны аша шалтыратып мөрәҗәгать итә ала.