Көннәр матур — темп түбән

Көннәр матур — темп түбән
Татарстан Республикасы Премьер–министры урынбасары, авыл хуҗалыгы һәм азык–төлек министры Марат Әхмәтов көн саен кимендә 4 процент мәйдандагы игеннәрне урып–җыю бурычын куйды.
Безнең районда әлегә ул 3,5 процент чамасы. “Ак барс” агрокомплексы”, “Татарстан”, “Курса МТСы”, “Ватан”, “Северный”, “Кырлай” ширкәтләре югарырак нәтиҗәгә ирешәләр.
“Кырлай” ширкәтендә — 33, “Татарстан”-да — 30, “Ак барс” агрокомплексы”нда — 24, “Курса МТСы”нда 23 процент мәйдандагы игеннәр җыйнап алынды.
Муниципаль район башлыгы Алмас Назиров соңгы киңәшмәдә арыш һәм борчакны якындагы 4–5 көндә урып–җыярга кирәклеген искәрткән иде. Чөнки сабан ашлыклары да өлгереп килә.
— Борчакны тиз арада урырга кирәк, — дип киңәш итә район авыл хуҗалыгы һәм азык–төлек идарәсенең үсемлекчелек бүлеге җитәкчесе Миннәхмәт Сәгыйть-җанов. — Югыйсә, югалтулар күп булачак.
Борчакны “Арча”, “Ватан”, “Игенче”, “Татарстан” хуҗалыклары урды.
Иң аз урып–җыелган мәйданнар “Шиһабеддинов” хуҗалыгында — 7 процент кына. “Мәрҗани”дә — 11, “Арча”да 12 процент.
Быел урып–җыюның ничек барышы ургычлар эшенә бәйле. “Арча” ширкәтенең яңа “Челенджер” агрегаты алып кайтуы алар өчен мөһим вакыйга. Ширкәт җитәк-чесенең урып–җыюны тизләтү буенча конкрет шөгыльләнүе хуплауга лаек.
Район буенча 17 процент мәйдандагы игеннәр җыйнап алынды. Уртача уңыш — 25,3 центнер. Иң югары уңыш “Игенче” ширкәтендә— 39 центнер. “Ак барс” агрокомплексы”нда — 37,4, “Кырлай”да 30,7 центнер.
“Ак барс” агрокомплексы”нда көзге бодай гектардан 41 центнер чыкты.
Уңыш — ашлама керткән җирдә. “Мәрҗани” ширкәте — 15,7, “Арча” — 17,8, “Аю” — 18,2 центнер гына уңыш ала.
6 августта басуларда 150 комбайнның 98е эшләде. “Мәрҗани” ширкәтендә 19 комбайнның— 16сы, “Ак барс” агрокомплексы”нда 15 комбайнның, “Татар-стан”да 11 комбайнның барысы да урып–җыюда катнашты.
“Игенче” ширкәтендә бер комбайн бу көнне уртача 1031 центнер ашлык суктырды. “Ак барс” агрокомплексы”нда — 500, “Арча”да 458 центнер. “Аю”да 92 цент-нер гына туры килде.
“Ак барс” агрокомплексы”, “Кырлай”, “Аю”, “Ватан”, “Курса МТСы” ширкәтләрендә көзге чәчү өчен җир әзер. “Арча” ширкәтендә 4 мең гектарның 829 гектары гына әзер.
Ильяс ФӘТТАХОВ