Киләчәгебез өчен тавыш бирдек

Киләчәгебез өчен тавыш бирдек
Татарстан халкы 14 сентябрьдә бишенче чакырылыш Татарстан Республикасы Дәүләт Советына депутатлар сайлады.
15 сентябрьдә Татарстан Республикасы Үзәк сайлау комиссиясендә үткәрел-гән матбугат конферен- циясендә сайлауларның якынча нәтиҗәләре игълан ителде. “Басым ясап әйтәм, хәзерге моментта нәтиҗәләр якынча характерда. Сайлауларның рәсми нәтиҗәләре сайлау йомгакларын раслаганнан һәм Татарстан Республикасы Үзәк сайлау комиссия-се беркетмәсенә кул куелганнан соң игълан ителәчәк”, — диде Үзәк сайлау комиссиясе рәисе Әгъзәм Гобәйдуллин.
14 сентябрьдә 20 сәгатькә республика буенча сайлаучылар саны 2 миллион 889 мең 172 кеше тәшкил иткән. Үз хокукыннан 2 миллион 334 мең 723 сайлаучы файдаланган. 17569 бюллетень, ягъни 0,6 проценты дөрес түгел дип табылган. Татарстанның 36 районында 167 электрон тавыш бирү комплексы кулланып (безнең районда 5 урында) башкарылган, бу мөмкинлектән 48 меңнән артык сайлаучы файдаланган.
Шулай итеп, бишенче чакырылыш Татарстан Республикасы Дәүләт Советына депутатлар сайлауда барлык сайлаучыларның 80,81 проценты катнашкан. Сайлаучыларның 12,1 проценты вакытыннан алда тавыш биргән. 2009 елдагы сайлауларда сайлаучыларның 78,40 проценты катнашкан булган.
Бердәм республика округы буенча биш процентлы чикне 2 сайлау берләш-мәсе үткән:
“Бердәм Россия” партия-сенең Татарстандагы төбәк бүлеге — 84,24 процент.
“КПРФ” партиясенең Татарстандагы төбәк бүлеге — 5,55 процент.
“Гадел Россия” партиясенең Татарстандагы төбәк бүлеге — 3,63 процент.
“ЛДПР”ның Татарстандагы төбәк бүлеге — 2,41 процент.
“Россия коммунистлары” коммунистлар партиясе — 2,40 процент.
Татарстан Республикасының “Родная партиясе” — 0,58 процент.
“Родина” партиясенең Татарстандагы төбәк бүлеге — 0,44 процент.
Бер мандатлы округлар буенча “Бердәм Россия” партиясе күрсәткән 36 кандидат җиңү яулады, “ЛДПР”дан бер вәкил һәм 13 үз–үзен күрсәтүче. Дәүләт Советының яңа составында өч сәяси партия вәкилләре булачак. “Партия исемлекләре буенча сайланган 50 депутатның 47сен “Бердәм Россия”, 3сен “КПРФ” алыр дип көтелә, — диде Әгъзәм Гобәйдуллин. — Миндә бернинди шик юк: сайлаулар ачык, көндәшле, чиста үтте”.
Арча районы буенча сайлауларда 38433 кеше (райондагы барлык сайлаучыларның 97,24 проценты) катнашты. Бер мандатлы Арча сайлау округы (Арча һәм Әтнә районнары керә) буенча сайлауларда 48794 кеше (округ буенча сайлаучылар саныннан 97,72 процент) катнашты.
“Бердәм Россия” партия-сенең Татарстандагы төбәк бүлеге — 96,44, Россия Федерациясе коммунистлар партиясе — 2,50, “Гадел Россия” партиясенең төбәк бүлеге — 0,39, “ЛДПР”ның Татарстандагы төбәк бүлеге — 0,27, “Россия коммунист-лары” коммунистлар пар-тиясе — 0,22, “Родина” партиясенең Татарстандагы төбәк бүлеге — 0,05, Татарстан Республикасының “Родная партиясе” — 0,04 процент тавыш җыйды.
Арча районы буенча Закиров Ринат Зинур улы өчен сайлаучыларның — 95,27, Касимов Әдеһәм Нәҗип улы өчен —2,93, Низаметдинов Илһам Борһан улы өчен — 1,33, Шәфигуллина Рината Марс кызы өчен 0,37 процент тавыш бирде.
Бер мандатлы 46 номерлы Арча сайлау округы (Арча һәм Әтнә районнары) буенча Закиров Ринат Зинур улы — 95,87, Касимов Әдеһәм Нәҗип улы — 2,51, Низаметдинов Илһам Бор-һан улы — 1,16, Шәфигуллина Рината Марс кызы 0,37 процент тавыш җыйды.
Күргәнебезчә, быелгы сайлаулар сайлаучыларның активлыгы, “Бердәм Россия” партиясе һәм ул күрсәткән кандидатларның ышанычлы җиңүе белән аерылып тора.
Республиканың тотрыклы социаль–икътисадый үсеше, республика уңышларының гомуми танылуы, ил Президенты Владимир Путинның Татарстанның элекке һәм хәзерге җитәкчелеге эшен халык алдында уңай бәяләве — болар барысы да республика властена ышаныч тудыра. Һәр сайлау татарстанлылар өчен Татарстанда үткәрелә торган курсны яклау формасы да ул.
Республикада яшәүчеләр милләтләр арасында тынычлык һәм диннәр арасында килешүчәнлекне, бердәмлекне сакларга омтылалар һәм, сайлауларда катнашып, әлеге омтылышны актив күрсәтәләр.
Татарстан — илебез төбәкләре арасында лидер. Патриотлык һәм горурлык хисләре, Татарстанның аерым миссиясе булуын тою гражданлык позициясен тагын да ачыграк күрсәтергә һәм республика язмышы өчен җаваплылыкны арттыруга өстәмә көч бирә.
“Бердәм Россия” партиясенең Татарстандагы төбәк бүлеге ТР Дәүләт Советына депутатлар сайлау буенча моңарчы күрелмәгән ачык сайлау кампаниясе үткәрде. Сайлау кампаниясе чорында уздырылган халык җыеннарында кешеләр үз шәһәрләрен, авылларын, урамнарын үстерү буенча конкрет тәкъдимнәр белән килделәр. Мондый җыеннар безнең районда да активлык белән үтте, халык тәкъдимнәренең күпмедер өлеше тормышка ашырылды да инде. Бу тәкъдим-нәрнең күбесе партиянең яңа программаларына нигез итеп алынды.
Болар бар да халыкның бергәләп эшләргә әзер булуын, аның властька ышануын һәм, иң мөһиме, кешеләр фикере, тавышы чыннан да Татарстанның үсешенә йогынты ясый торган мөһим фактор икәненә инануын күрсәтә.
Кандидатлар исемлеге башында Президент үзе торды, сайлаучылар аны хөрмәт итүләрен һәм аңа ышануларын тагын бер тапкыр расладылар. Рөстәм Миңнеханов арчалылар өчен аеруча якын, ул, безнең районда җитәкче урыннарда эшләп, аның үсешенә өлеш керткән кеше. Арча шәһәрендә беренче мәчетне төзетте, бик күп игелекле эшләр башкарды, сүзе эштән аерылмады.
Соңгы елларда республикада тормышка ашырыла торган программалар районыбыз авылларының, шәһәребезнең йөзен үзгәртте, кешеләрнең тормыш шартлары елдан–ел яхшыра. Быел гына да Пөшәңгәрдә клуб, Наласада һәм Айванда яңа медпунктлар, Яңа Кенәрдә ветеринария пункты, Сикертәндә полиция участок инспекторы өчен эш урыны белән берләштерелгән йорт, социаль ипотека, ятим балалар, күп балалы гаиләләр, тузган торакны бетерү программалары буенча фатирлар файдалануга тапшырылды, Сәрдәбаш, Югары, Урта, Түбән Курса авылларына асфальт юллар салынды, дүрт мәктәп ныклап төзекләндерелде һ.б.
— Без сайлауларны көтеп алабыз, мондый көнне ничек өйдә утырасың инде? — диләр Наласа авылында яшәүче Флера һәм Илдар Төхвәтуллиннар. — Җитәкчеләребезгә рәхмәт, быел авылда яңа медпункт ачылды, урамнарыбызга вак таш җәелде. Киләсе елларда урта мәктәбебезне, мәдә-ният йортын ныклап төзек-ләндерергә вәгъдә итәләр.
Айван авылында яшәүче Альмира Гатауллинаны тыңлап карыйк:
— Безнең төбәк халкы өчен соңгы елларда куанычлы вакыйгалар булып кына тора. Яңа мәдәни–спорт үзәге (аны ачуда Рөстәм Миңнеханов үзе катнашты), медпункт сафка басты. Быел урта мәктәп ныклап төзекләндерелде, спорт мәйданчыгы төзелде. Сайлаучылар менә шуларны искә ала–ала тавыш бирде. Бездә сайлаулар чын бәйрәм кебек. 84 яшьлек Тәвилә Кәримуллина: “Аякларым йөреп торганда бәйрәмнән калмыйм әле, яңалыкларны да күреп кайтасым бар”, — дип участокта сайлады.
Ильяс ФӘТТАХОВ