Үзебез хуҗа булыйк
2014 елның 3 октябре, җомга
2 октябрьдә икенче чакырылыш Арча район Советының 41нче чираттан тыш утырышы узды. Депутатлар Фәнис Исмәгыйлевны үз теләге белән Арча муниципаль районы контроль–хисап палатасы рәисе вазыйфаларыннан азат итү һәм аның урынына Надия Сафиуллинаны сайлау турында карар кабул итте.
Соңыннан район башкарма комитеты җитәкчесе вазыйфаларын башкаручы Илшат Нуриев район Советы, башкарма комитетның җаваплы хезмәткәрләре, авыл җирлекләре башлыклары белән киңәшмә үткәрде. Киңәшмәдә район башлыгы урынбасары Любовь Осина Бөек Җиңүнең 70 еллыгына әзерлек чаралары белән таныштырды. Үзәк хастаханәнең ветераннар өчен махсус палаталар булдыру, хәрби комиссариатның сугыш чоры балаларына оештырган ярдәме уңай бәяләнде. Мәктәп музейлары эшчәнлеген җанландыру, сугыш чоры экспонатларын яшь буынны тәрбияләүдә киңрәк куллану таләбе куелды. Любовь Михайловна авыллардагы һәйкәлләрнең торышына игътибарны арттырырга чакырды.
Илшат Габделфәртович зиратларның, һәйкәлләрнең төзеклеге, чисталыгы өчен авыл җирлекләре җаваплы булуын ассызыклады. Ул, Урта Пошалымдагы һәйкәлнең торышыннан канәгатьсезлеген белдереп, хәлне кичекмәстән төзәтүне таләп итте. Зиратларны тәртипкә китерү буенча Апаз авыл җирлегеннән үрнәк алырга чакырды.
Эчке эшләр бүлеге җитәкчесе Айдар Баһавиев районда оператив хәлнең торышы белән таныштырды. Ул район территориясендә җинаятьләрнең кимүен билгеләп үтте. Халыктан килгән һәр мөрәҗәгатьнең катгый исәптә булуын һәм чаралар күрелүен әйтеп узды. Коррупциягә каршы көрәш, бюджет акчаларын кулланудагы закон бозуларны кисәтү буенча полиция эшчәнлеге активлашачагын белдерде.
Илшат Нуриев безнең халык өчен ят булган төрле экстремистик юнәлештәге агымнарны булдырмау, милләтара дуслык, хезмәттәшлек рухын саклауның әһәмиятенә басым ясады.
— Без үз җиребездә үзебез хуҗа булырга, чит агымнарга ияреп ызгыш–талаш тудырмаска тиеш, — диде ул.
Киңәшмәдә шулай ук авыл җирлекләре бюджеты үтәлеше мәсьәләсе дә каралды.
Соңыннан Илшат Габделфәртович, һәр авыл җирлеге башлыгының кыскача хисабын тыңлап, киләчәккә бурычлар билгеләде.
Исрафил НАСЫЙБУЛЛИН
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз