Муниципаль районнар Арча муниципаль районы

Күңелләр чистара торган көн

2014 елның 8 октябре, чәршәмбе

Күңелләр чистара торган көн
4 октябрьдә мөселманнарның иң зур бәйрәме — Корбан гаете көнне мәчетләребездә бәйрәм намазы укылды. Гаетне изге урыннарда каршылаучылар да шактый. Быел Татарстаннан 1800 кеше хаҗ кылды, алар арасында безнең райондашлар да дистәдән артык. Татарстан Президенты Рөстәм Миңнеханов та бу көннәрдә изге җирләрдә —Мәккәдә булды.
Соңгы елларда җитәкчеләребезнең дини бәйрәмнәрдә катнашуы, мәчетләргә баруы гадәти хәлгә әверелде. Партия белән халык бердәм дип сөйләп, гаеткә барган кешеләрнең исемлеген туплап утырган еллар, шөкер, артта калды.
Арча шәһәренең үзәк мәчетендәге гает намазына район башкарма комитеты җитәкчесе вазыйфаларын башкаручы Илшат Нуриев килде. Гает намазын Арча мәчете имам–хатыйбы Илгизәр хәзрәт Касыймов укыды.
— Кеше күп килүе, яшьләрнең күп булуы аеруча шатландыра, — ди Илгизәр хәзрәт. — Корбан итен дә күп китерделәр, 5 октябрьдә зурлап корбан ашы уздырдык. Корбан итен өлкәннәр һәм инвалидлар йортына, тернәкләндерү үзәгенә китерүчеләр дә шактый булган. Без корбан итенең бер өлешен Казандагы Мөхәммәдия мәдрәсәсенә дә илтәбез. Хаҗилар кайткач, тагын аш уздырырга исәпләп торабыз.
Бу көнне кемдер — гаиләсе, кемдер әрвахлар исеменнән корбан чалды. Аллаһы Тәгалә чалына торган корбаннарыбызны кабул кылсын дип, дога кылды. Шәһәребездә төзелеп бетеп килә торган Шәрык мәчетендә уздырылган корбан ашына да халык күп килгән иде.
Авылларыбыздагы мәчет-ләрдә дә гает намазларында халык гадәти көннәрдәгедән күп була. Шәһәрдә яшәүче авылдашлар да туган нигезгә кайта.
Сөрде авылында да шулай булган: “Мәчетебез тулы иде. Бу көнне ирләр, хатын–кызлар өчен аерым корбан ашлары уздырылды. “Аю” ширкәте 10 мең сум акча, Камил Заһидуллин тәкә бүләк итте”, — дип шалтыраттылар.
Ильяс СӘХӘПОВ

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Консультация-метеорологик күренешнең интенсивлыгы турында кисәтү 18 сәгатьтән. 8 майда 18 сәгатькә кадәр. 2026 ел, 9 май

9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә. Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә: Җил көчәйгәндә: 1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим. 2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла. 3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк 4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин. 5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.

Йога безне үзгәртергә тырыша, яхшы якка!

Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш Румия Надршина Яннарына бардым. Сөйләшеп киттек. Бик ачыклар булып чыктылар. Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта. – Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.

Онытмыйлар...

Сергей Рысаев, Рамил Әскәров, Айнур Хәйретдинов истәлегенә волейбол турниры. Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте. Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков. Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.

Афәрин, тырышып уйнадылар!

Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора. Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар. Нәтиҗәләр: 1. Арчаның 6нчы хатын-кызлар командасы; 2. Арчаның 11нче балалар бакчасы; 3. Арчаның 9нчы балалар бакчасы.

ЯҢАЛЫКЛАРГА ЯЗЫЛУ