Руль артында аек бул!
2014 елның 15 октябре, чәршәмбе
Дөньяда һәр елны юл–транспорт һәлакәтләрендә бер миллионнан артык кешенең гомере өзелә.
Моннан өч тапкыр артыграк кеше авыр җәрәхәтләр ала, гомер ахырларына кадәр инвалид кала. Бу һәлакәтләр саксыз йөрү, кагыйдәләрне үтәмәү яки алкоголь кулланудан килеп чыга.
Транспорт белән исерек хәлдә идарә итү аеруча куркыныч. Андый кешене юкка гына җинаятьче дип атамыйлар. Безнең республикада һәр өченче юл–транспорт һәлакәте исерек йөртүчеләр аркасында ясала. Алкоголь баш миен аңгырайта, “батырлык”ка чакыра. Автомобиль идарәсезгә әверелә дип әйтергә мөмкин.
Россия Эчке эшләр министрлыгының Арча районы буенча бүлеге хезмәткәрләре быел 9 айда 7616 кагыйдә бозу очрагын ачыкладылар. Бу узган елның шул чорына караганда 33,3 процентка артык. Шул исәптән 151 кеше исерек хәлдә иде, мондыйлар 7,8 процентка күбәйде. Шуларга да карамастан, исерек йөртүчеләр 11 һәлакәт ясады, 1 кеше үлде, 20 кеше җәрәхәтләнде.
Мондый хәлләрне кисәтү максатында районда “Исерек йөртүче” дигән максатчан рейдлар даими рәвештә үткәреләчәк.
Юлларда исереклек белән катгый көрәшергә, исерек йөртүчеләрне фаҗига булганчы фаш итәргә кирәк. Бу көрәштә транспорт йөртүчеләр дә, җәяүлеләр дә катнаша ала. Алкоголь, наркотиклар кулланып транспорт йөртүчеләр, юл хәрәкәте кагыйдәләрен бозу фактлары турында 3–12–02 (дежур часте), 3–22–02 (ЮХИДИ бүлекчәсе) номерлары белән шалтыратыгыз.
Предприятие, учреждение, оешмалар җитәкчеләре транспорт йөртүчеләргә карата аеруча таләпчән булырга тиеш. Рейска чыгар алдыннан һәм кайткач медицина тикшерүе үтү әйбәт нәтиҗә бирә. Моны һәр транспорт предприятиесендә оештырырга кирәк.
Хөрмәтле транспорт йөртүчеләр! Сезнең һәрберегез кагыйдәләрне төгәл үтәгәндә генә юлларда хәл уңай якка үзгәрәчәк. Руль артында аек булыгыз!
Илдар НОТФУЛЛИН,
ЮХИДИ бүлекчәсе җитәкчесе, полиция майоры
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз