Бүген бар да җиңүче!

Бүген бар да җиңүче!
Быел 24 мартта Россия Президенты Владимир Путин илкүләм физик культура–спорт комплексы — ГТО нормаларын кертү турындагы Указга кул куйды. ГТО дигән сүз, татарча тәрҗемә итсәк, “Хезмәт һәм оборонага әзер” дигәнне аңлата. Ул өч этаптан торачак.
Беренче этапта Россиянең 12 төбәгендә (шул исәптән Татарстанда да) комплексны эшләтеп карау оештырыла.
Яңалык — онытылган элеккеге яхшы әйбер, диләр. ГТО комплексын кертү хәрәкәте башланып киткәч, шушы сүзләр искә төште. Өлкән буын вәкилләре өчен бу һич тә яңалык түгел. Аларның күбесе мәктәптә укыган елларда ГТО билгесе тагып йөргән кешеләр.
ГТО нормаларын 10 яшьтән алып 60 яшькә кадәрге кешеләр тапшыра иде. Хәзерге нормативлар 6 яшьтән башлап, 70 яшькә кадәрге кешеләр өчен билгеләнгән. Укучылар өчен биш, 18 яшьтән узганнар өчен алты “баскыч” үтәсе.
ГТОның мәҗбүри төр-ләре, сайлый ала торганнары да бар. Татарстан Республикасы Президенты Рөстәм Миңнеханов 30 августта ике төр буенча тапшырды. Ул кул белән идәннән этелү, мылтыктан ату буенча нормаларны арттырып үтәде.
15 октябрьдә Арча муниципаль районында Бөтенроссия ГТО физкультура–спорт комплексын кертүнең беренче көзге этабы үтте. Анда районның барлык муниципаль хезмәт-кәрләре, мәгариф һәм мәдәният өлкәләрендә эшләүчеләр катнашты.
Шәһәр стадионы бу көнне матур спорт бәйрәмен хәтерләтте. Тамаша карарга түгел, ә үзләренең көчен сынарга килгән кешеләр җыелды анда.
— Без 600ләп кеше килер дип уйлаган идек, тагын 100 өстәмә номер әзерләргә туры килде, — ди яшьләр эшләре буенча, спорт һәм туризм бүлеге баш белгече Рөстәм Зарипов.
Бүген район башкарма комитеты җитәкчесе вазыйфаларын башкаручы Илшат Нуриев та спорт киеменнән.
— Барыгызны да бүгенге спорт бәйрәме белән котлыйм! — диде ул. — Сәламәт тәндә сәламәт акыл, диләр. Районыбызда спорт белән шөгыль-ләнү өчен бөтен мөмкинлекләр бар. Озакламый шәһәрдә Боз сарае ачылачак. Анда бөтен мәк- тәп укучылары, теләгән һәркем шөгыльләнә алачак.
Татарстан Республикасы яшьләр эшләре һәм спорт министры урынбасары Рөстәм Гарифуллин ГТО нормаларын тапшыра башлауда республиканың иң беренчеләрдән булуын, Арча районында да спорт белән дус яшәүләрен әйтте.
— Әле генә Арчаның беренче номерлы мәктә-бендә булдык, андагы шартлар искиткеч! — диде ул.
Район җитәкчесе белән министр урынбасары, үзләренең дә яхшы физик әзерлектә булуларын раслап, аерым төрләрдә югары нәтиҗә күрсәттеләр.
Илшат Нуриев күршебез — Әтнә районында яшәүчеләргә мөрәҗәгать юллады: “Хөрмәтле әтнәлеләр! Сезгә чакыру ташлыйбыз һәм сезнең данлыклы райо-ныгызда да ГТО комплексы нормаларын кертүне башларга чакырабыз. Бездән эстафета таягын һәм яхшы кәеф, спорт азартын, нык сәламәтлек теләкләрен кабул итеп алыгыз! Уңышлар сезгә!”
Ильяс ФӘТТАХОВ