Хокукларыннан мәхрүм ителде
2014 елның 24 октябре, җомга
Суд Арча районы прокуратурасының эзләү гаризасын канәгатьләндерде һәм Арча шәһәрендә яшәүче Эльвира Ибәтуллинаның балигъ булмаган кызына мөнәсәбәтләре буенча ата–ана хокукларыннан мәхрүм итте, шулай ук җавап тотучыдан баланы асрауга алимент эзләп алды.
Тикшерү материалларыннан күренгәнчә, Эльвира Ибәтуллина 14 яшьлек баланың әнисе булып исәпләнә, ата–ана бурычларын тиешенчә башкармау сәбәпле ведомствоара профилактик исәптә тора. Җавап тотучы яшәү урынында тискәре яктан характерлана, эшләми, спиртлы эчемлекләрне явызларча куллана, үз кызына социаль һәм матди булышмый.
Ибәтуллинаның тәртибе балигъ булмаганнар эшләре буенча комиссиядә күп тапкырлар тикшерелүгә карамастан, ул тиешле нәтиҗә ясамый, әхлаксыз яшәү рәвеше алып баруны дәвам итә. Чит милекне урлаган өчен җинаять җавап-лылыгына тартыла. Шулай итеп, бу хатын–кыз аңлы рәвештә ата–ана бурычларын үтәүдән читләшә. Җавап тотучының яшәү урынына бала өчен кирәкле шартлар тудырылмаган.
РФ Гаилә Кодексының 69нчы маддәсе нигезендә, ата–аналар үз балаларын тәрбияләү һәм үстерү өчен җаваплы. Әлеге бурычларны үтәмәү аларны ата–ана хокукларыннан мәхрүм итү өчен нигез булып тора.
Шундый шартларда Арча район судының карары белән Э.Р.Ибәтуллина үзенең балигъ булмаган кызына мөнәсәбәтләре буенча ата–ана хокукларыннан нигезле рәвештә мәхрүм ителә. Суд карары нигезендә җавап тотучы бала балигъ яшенә җиткәнче барлык керемнәренең дүрттән бер өлеше күләмендә алимент түләргә тиеш.
Радик ХӘБИБУЛЛИН,
Арча районы прокуроры урынбасары,
юстиция советнигы
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз