Армиягә китә егетләр...
2014 елның 24 октябре, җомга
Егетләребезне хәрби хезмәткә көзге чакыру башланды. Аның тәртибе, үзенчәлекләре һәм яңа таләпләре белән таныштыру өчен без ТР хәрби комиссариатының Арча һәм Әтнә районнары буенча бүлек җитәкчесе Алмаз Борһановка мөрәҗәгать иттек.
— 1 октябрьдән гражданнарны хәрби хезмәткә чакыру башланды, — диде ул. — Быел район буенча 385 егет комиссия үтә. 89 кеше хәрби хезмәткә алына. Егетләрне армия сафларына җибәрүгә хәзерлекнең бер үзенчәлеге һәм яңа таләбе — грипптан мәҗбүри прививка.
Хәрби хезмәткә җибәрү ноябрьнең икенче ункөнлегендә башлана. Чакырылучыларны Татарстан Республикасының җыелу пунктына автобус белән илтәбез. Бер көн алдан чакырылучылар һәм ата–аналары белән әңгәмә үткәрәм. Ул кичке 5 сәгатьтә була. Шунда егетләргә район хакимияте исеменнән бүләкләр тапшырыла, хәрби хезмәт шартлары аңлатыла, шулай ук Рәмис хәзрәт һәм Василиск атакай дога укый.
— Нинди сәбәпләр белән егетләрнең армия хезмәте кичектереп торыла?
— 1998 елның 28 мартында (үзгәрешләр белән 2014 елның 21 июлендә) кабул ителгән “Хәрби бурыч һәм хәрби хезмәт турында”гы Федераль Закон нигезендә 11 сыйныфтан соң югары һөнәри белем бирүче аккредитацияләнгән уку йортларында көндез укучылар, 9 сыйныфтан соң аларга 20 яшь тулганчы урта һөнәри белем бирүче аккредитацияләнгән уку йортларында көндез белем алучылар хәрби хезмәткә чакырылудан кичектереп торуны сорарга хокуклы. 11 сыйныфны тәмамлап, техникум, көллиятләргә көндез укырга керүчеләргә бу хокук бирелми.
— Безнең районнан армия сафларында хезмәт итүчеләр белән хәрби комиссариат арасында элемтә сакланамы?
— Әйе, шушы елның 12 октябрендә генә дә хәрби комиссариат бүлегендә Ульяновск шәһәренең 42731 хәрби часте белән телекүпер үткәрелде. Анда безнең районнан Адель Вәлиев һәм Владимир Петров хезмәт итә. Мондый телекүперләр киләчәктә дә дәвам итәчәк.
Гөлсинә ЗӘКИЕВА
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз