Уңайлыклары — әйтеп бетергесез

Уңайлыклары — әйтеп бетергесез
Әңгәмәдәшебез — “Идарәче компания” ширкәте җитәкчесе Фәрит Зәйнуллин.
—Торак–коммуналь хуҗалыгы хезмәтләренә ничек түләү уңайлырак?
—Әлеге түләүләрне турыдан–туры “Арча муниципаль районының бердәм исәп–хисап үзәге”нә кертергә мөмкин. Шулай ук почта элемтәсе бүлекчәләрендә, “Ак Барс банк”, “Саклык банкы”, “Татфондбанк”, “Автоградбанк”, “Россельхозбанк”-та түләп була. Әмма мин үзем торак–коммуналь хезмәтләргә түләүнең иң уңай системасын тәкъдим итәр идем, ул — өйдән чыкмый гына үзеңнең шәхси счетың аша исәп–хисап ясау.
—Моның өчен нишләргә кирәк?
—Бары тик Интернетка тоташкан компьютер булуы шарт. Системага керү өчен шәхси кабинетта https://uslugi.tatar.ru дәүләт хезмәтләре сайтында теркәлергә кирәк. Теркәлү өчен телефон номерын кертергә, “С правилами пользования согласен” дигән урында билге куярга һәм “Получить пароль по СМС” дигәнгә басарга. Шул вакытта СМС хәбәрдә күрсәтелгән номерга системага керү өчен пароль күрсәтелгән хәбәр килә.
—Шәхси кабинетта тер-кәлгән өчен акча түләргә кирәкме?
—Юк, теркәлү тулысынча бушлай хезмәт.
—Шуннан соң нишләргә кирәк булачак?
—Торак–коммуналь хезмәтләргә түләү өчен телефон номерын һәм СМСтан алынган парольне күрсәтеп, “ЖКХ”, аннан соң “Заплатить за квартиру” дигән билгеләргә басарга. Шуларны эшләгәч, 10 санлы шәхси счет номерын кертергә. Аннан “Фамилия собственника” һәм “Номер квартиры” дигән кырларны тутырырга. Әгәр шәхси йортта яшисез икән, “Номер квартиры” дигән кырны тутырмасагыз да була. Ачылган тәрәзәдә түләүченең, банк картагызның мәгълүматларын тутырасыз.
—Әгәр фатирда яки шәхси йортта аерым исәпләү приборлары куелган булса, аларның күрсәткечләрен кертергә буламы?
—Әйе, алай эшләргә мөмкин. Шәхси идарә счеты системасында “Показания счетчиков” дигән урында шәхси исәпләү приборлары күрсәткечләрен кертергә мөмкин.
—Әлеге системаның тагын нинди мөмкинлекләре, уңай яклары бар?
—Системада теркәлгәч, сез “Счет–фактура” бастырып ала, “История платежей” битендә кергән түләүләрне “Социальные выплаты” дигән биттә хуҗалыгыгызга субсидияләр һәм ташламалар күчере-лүне карый һәм “Заплатить за квартиру” дигән биттә счет–фактура буенча торак–коммуналь хезмәтләр өчен түли аласыз.
—Кайсы банк карталары буенча торак–коммуналь хезмәтләргә түләп була һәм әлеге хезмәтләр өчен комиссия алынамы?
—Теләсә кайсы банк-ның VISA, MASTERCARD, MAESTRO карталары белән түләп була. Комиссия нибары бер процент, әмма 10 сумнан ким түгел. Комиссия почтага яки банкка түләгәннән күпкә кимрәк.
—Әңгәмәне йомгаклап, әлеге система турында тагын нәрсәләр әйтә аласыз?
—Монда банк яки почта бүлекчәсенең эш графигына җайлашасы юк. Беркая барырга, чиратларда торырга кирәкми. Үзегезгә уңайлы вакытта, хәтта төнлә дә, системага керә, кергән түләүләрне, субсидия һәм ташламаларны карый, шәхси исәп приборлары күрсәткечләрен кертә, шулай ук торак–коммуналь хезмәтләргә үзвакытында түли аласыз.
Ильяс СӘХӘПОВ