Алар булганда без тыныч

Алар булганда без тыныч
10 ноябрьдә Россия Федерациясе Эчке эшләр органнары хезмәткәре көне билгеләп үтелде.
Эчке эшләр органнары тарихы 1715 елдан башлана. Петр I патша шул елдан Россиядә җәмәгать тәр-тибен саклау хезмәте оештыра һәм аны полиция дип атый. 1917 елның 10 ноябрендә РСФСР эчке эшләр халык комиссариаты карары белән “Революцион җәмәгать тәртибен саклау өчен” эшче милиция төзелә. Менә шул көннән бирле илнең бөтен территориясендә хокук тәртибен тәэмин итүче бу кешеләр үзләренең һөнәри бәйрәмнәрен билгеләп үтәләр.
2011 елда “Полиция турында”гы закон нигезендә әлеге хезмәтнең тарихи исеме кире кайтарылды, аңарчы “Милиция көне” дип йөртелгән бәйрәмнең дә исеме үзгәртелде.
Ничек кенә булмасын, эчке эшләр органнары тарихи этапларның һәркайсында мөһим дәүләт бурычын үтәделәр — илдә тәртип, шәхес һәм җәм- гыять иминлеген тәэмин иттеләр.
8 ноябрьдә район Мәдәният йортында әлеге истәлекле көн уңаеннан бәйрәм тантанасы үткәрелде. Анда эчке эшләр бүлеге хезмәткәр-ләре, шушы органнарда намус белән хезмәт итеп лаеклы ялга чыккан ветераннар катнашты.
— Сезнең барыгызны да һөнәри бәйрәмегез — Россия Федерациясе эчке эшләр органнары хезмәткәре көне белән чын күңелдән котлыйм, мактауга лаеклы хезмәтегез өчен рәхмәт сүзләремне җиткерәм, — диде район башкарма комитеты җитәкчесе Илшат Нуриев үзенең тәбрикләү сү-зендә.
Илшат Габделфәртович, эчке эшләр органнары хезмәткәрләренә, ветераннарга сәламәтлек, иминлек, нәтиҗәле эш, бәхет теләп, үз бурычларын намус белән үтәүче хезмәткәрләргә муниципаль район башлыгының Рәхмәт хатларын тапшырды.
Россия Федерациясе Эчке эшләр министрлыгының Арча районы буенча бүлеге җитәкчесе, полиция полковнигы Айдар Баһавиев барлык хезмәткәрләрне, эчке эшләр органнары ветераннарын бәйрәм белән тәбрик итте, аеруча тырышлык күрсәткән хезмәткәрләргә бүләкләр тапшырды.
Эчке эшләр ораганнары хезмәткәрләренә кешеләр иминлеге тәэмин иткәндә үз сәламәтлекләрен, тормышларын куркыныч астына куярга да туры килә. Залдагылар үзләренең бурычларын үтәгәндә һәлак булган хезмәттәшләрен тынлык минуты белән искә алдылар.
2011 елның 10 июлендә “Булгария” теплоходы һәлакәтендә гомерләре өзелгән Гөлназ һәм Илнур Мифтаховлар истәлегенә багышлап Алидә Нәбиуллина “Ачы тау” җырын башкарды.
Эчке эшләр бүлеге хез-мәткәре Марсель Шәрә- повның Зилә Зиннәтова белән вокаль дуэты, “Ар–и–Эль” балалар, “Аллегро” бию төркемнәре һ. б. чыгышлар бәйрәмгә ямь өстәде.
Ильяс ФӘТТАХОВ