Сак булыгыз!
2014 елның 14 ноябре, җомга
Татарстан Республикасында социаль мошенниклык очраклары дәвам итә. Аларның күбесе телефон һәм кәрәзле элемтә кулланып ясала. Полиция хезмәткәре дип әйтеп, туганнарын җинаять җаваплылыгыннан азат итү өчен акча таләп итәләр, кыйммәтле приз оту, хезмәтләр күрсәтү турында шалтыратып алдан акча сорыйлар.
Быел августта Арча районының бер авылында яшәүче А. Интернетта “Авито” сайтында автомобиль сатылу турында белдерү күреп ала. Шуннан соң ул күрсәтелгән номерга шалтырата. Телефоннан аңа 120 мең сум акчаны алдан түләргә кирәклеген хәбәр итәләр. Алдакчы күрсәткән банк картасына әлеге сумманы күчерә бу. Шуннан соң аның номеры дәшми башлый. А. үзенең алдакчы корбанына әверелүен аңлап ала.
Еш кына бозыклыкны бетерү, акча алыштыру, кыйммәтле булмаган әйберләрне залогка биреп торып акча алу юллары кулланыла. Социаль хезмәтләр булып та ышанычка керергә мөмкиннәр. Былтыр безнең районда да шундый хәл булды. Апрель аенда Р. телевизордан “Өйдә дәвалану” дигән тапшыру карый. Күрсәтелгән номерга шалтырата бу. Телефоннан Р.га һәм гаиләсенә бозыклык салынуы, аны бетерү өчен 150 мең сум акча күчерергә кирәклеген әйтәләр. Банклардан зур кредитлар алып, акчасын алдакчыларга юллый бу. Алданганлыгын соңыннан гына белә.
Җинаятьчеләр тиз ышанучан кешеләргә күтәренке бәяләр белән төрле товарлар тәкъдим итәргә мөмкин.
Игътибарлы булыгыз, төрле шалтыратуларга ышанмагыз, каядыр акча күчерергә ашыкмагыз. Таныш булмаган кешеләргә үзегез турында мәгълүматларны бирмәгез. Буш яки сезгә әйткән саннарны җыеп СМС җибәр-мәгез, моның сезнең картадан акча күчерү өчен Интернет–банк күрсәтмәсе булуы бар. Банк хезмәткәрләре беркайчан да клиентлардан Пин–кодны әйтүне таләп итмиләр. Әгәр сезгә арзан бәягә алтын әйберләр, көнкүреш техникасы, башка әйберләр тәкъдим итәләр яисә залогка калдыралар икән, туганнарыгызга, күршеләргә, танышларыгызга шалтыратыгыз.
Айдар КАСЫЙМОВ,
РФ Эчке эшләр министрлыгының
Арча районы буенча бүлеге опер–уполномоченные,
полиция өлкән лейтенанты
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз