Җитәкче Кенәр якларында булды
2014 елның 19 ноябре, чәршәмбе
Социалистик Хезмәт Герое, гомерен балаларга белем бирүгә багышлаган Стелла Зәки кызы Габдрахмановага 17 ноябрьдә 81 яшь тулды. Яңа Кенәрдә гомер кичерүче мөхтәрәм ветеранны олуг бәйрәме белән котларга ул көнне район башкарма комитеты җитәкчесе Илшат Нуриев, аның урынбасары — Стелла Зәкиевнаның укучысы — Илшат Галимуллин, Яңа Кенәр авыл җирлеге башлыгы Рафаэль Фәхретдинов һәм “Арча хәбәрләре” газетасы мөхәррире Исрафил Насыйбуллин килде. Бүген Стелла ханымның балачагыннан бүгенге тормыш юлындагы күп кенә матур мизгелләр искә алынды.
Стелла Зәки кызы укыткан мәктәп урынында бүген яңа бина балкып утырса да, нигезе остаз укытучыларының рухын саклап яши. Яңа Кенәр лицее белән танышып йөргәндә Илшат Нуриев та искәртте бу турыда. Әлеге мәктәп аңа үзе укучы булган елларында спорт ярышларына килүе белән дә истәлекле. Мөхтәрәм укытучы белән аның йортында күрешкәннән соң район башкарма комитеты җитәкчесе, Яңа Кенәр авыл җирлегендә урнашкан социаль, халыкка хезмәт күрсәтү биналарында булып, аларның халәте, эшчәнлеге белән дә танышып йөрде. Яңа Кенәр лицееннан тыш Шурабаш, Байкал авылы, Яңа Кенәр коррекцион мәктәпләрендә, Яңа Кенәр балалар бакчасында, укучылар иҗат йортында булды. Мәктәпләрдә җитәкче бинаның төзеклеге белән генә танышып калмыйча, укучыларның белемгә карашлары белән дә кызыксынып, кайбер тәкъдимнәрен дә кертте: республиканың төрле мәктәпләре белән дуслык күперләре сузарга, фәннәр буенча фикер алышулар оештырырга, тәҗрибәләр алмашырга чакырды, чит тел укытучыларына үз укучыларын чит илләрдә яшәүче балалар белән аралашу юнәлешен күрсәтергә, киләсе ел илдә Әдәбият елы булып игълан ителәчәк һәм шул уңайдан укучыларга төрле иҗади проектларда катнашырга тәкъдим итте. Җитәкче тарафыннан Шурабаш мәктәбе җитәкчелегенә дә мәктәп территориясендә агачлар утыртып парк төзергә дигән юнәлеш күрсәтелде.
Яңа Кенәр коррекцион мәктәбенә Илшат Нуриев музыкаль үзәк тә бүләк итте. Киләсе елга әлеге белем йортына республиканың махсус программасы нигезендә төзекләндерү эшләре башланачак. Бүгенге күзәтүләрдән чыгып, Яңа Кенәр балалар бакчасы бинасына да ныклап төзекләндерү кирәклеге ачыкланды, киләчәктә бу планга кертеләчәк.
Яңа Кенәр мәдәният йорты, мәчет, коммуналь хуҗалык, хастаханә, “Өмет” тернәкләндерү үзәге, полиция участок уполномоченные йорты, эшмәкәрләрнең эшчәнлеге дә җитәкче карашыннан читтә калмады, ул һәр җирдә проблемалар, эшнең барышы белән кызыксынды. Шулай ук Яңа Кенәрдәге калдыклар полигонының халәте белән дә танышты, полигонның лицензия вакытын озынайтырга ярдәм итәчәген әйтте, Байкал авылына илтүче юлның начарлыгын да күрде. Авыл халкы төзекләндерү таләп ителгән һәр объект киләчәктә игътибарсыз калмас дип өметләнә.
Розалия ЗИННӘТОВА
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз