Программа озайтылды

Программа озайтылды
Пенсиянең тупланма өлешенә дәүләтнең өстәп түләү программасы буенча редакциягә мөрәҗәгать итүчеләр байтак. Шул уңайдан без Арча һәм Әтнә районнары буенча Пенсия фонды идарәсе җитәкчесе урынбасары Гөлназ Ибәтуллина белән сөйләштек.
— Гөлназ Гыйленбаевна, бүген программага кереп буламы?
— Программага керү мөмкинлеге 2014 елның 31 декабренә кадәр озайтылды. Пенсия алучылар программага керә алмый.
— Программага яңа керүчеләр беренче взносны быел күчереп калдырырга тиешләрме?
— Алар беренче взносны 2015 елның 31 гыйнварына кадәр кертә алалар.
— Белмәүчеләргә программа турында аңлатсагыз иде.
— Бу программа гариза биреп кергән көннән алып 10 ел эшли. Гаризаны Пенсия фонды идарәсенә килеп язарга кирәк. Ел саен кимендә 2 мең, иң күбе 12 мең сум акча күчерергә мөмкин. Бу взноска дәүләт бермә–бер акча өсти. Мәсәлән, 2 меңгә —2 мең, 4 меңгә — 4 мең, иң күбе 12 мең сумга — 12 мең сум. Бу акчаны яшь буенча пенсия-гә чыккач кына алып була.
— Моңарчы аны ел саен алырга мөмкин иде, киләсе елдан 5 елдан соң гына алып була икән, дигән сүзләр йөри.
— Программада катнашучылар 2015 елда пенсияләренең тупланган өлешен ала алалар. Ә инде киләсе елда взнос кертүчеләр тупланма өлешне 5 елдан соң гына ала алачак.
— Программада катнашучыга бу яхшымы?
— Отышлы, дип әйтер идем. 5 ел буе акча тупланып бара. Взносны гариза нигезендә дәүләтнеке яки дәүләтнеке булмаган Пенсия фондларына күчерергә мөмкин. Взноска, дәүләт өстәп түләгәннән тыш, Пенсия фонды, хәленнән чыгып, процент-лар өсти ала.
— Программага кер-гән, әмма взнос күчермәүчеләргә ни дия- сез?
— Алар 2014 елның 26 декабренә кадәр Пенсия фондына беренче взносларын кертә алалар. Программада катнашучылар бер тапкыр да взнос күчермәсәләр төшеп калалар.
— Мәгълүматларыгыз өчен рәхмәт.
Румия НАДРШИНА