Казиле кызы дошманнан курыкмаган
2014 елның 21 ноябре, җомга
Арча шәһәрендә яшәүче Халисә Гафурова районыбызның иң батыр хатын–кызларының берсе. 1924 елда Казиле авылында туган кыз, Казанбашта җидееллык мәктәпне тәмамлагач, ике ел медицина мәктәбендә укый. Аны Чүпрәле районына медпунктта эшләргә җибәрәләр.
1942 елда Арчага кайткач, ноябрьдә армиягә алалар. 1943 елның мартына кадәр Казанда зенит артиллериясе дивизионында хезмәт итә. Аннан соң инде хәтәр фронт юллары башлана.
— Безнең часть нигездә Татарстан егетләре һәм кызларыннан тора иде, — дип искә ала ул. — Разведчик идем, аэродромнарны, тимер юл станцияләрен, күперләрне дошман самолетларыннан сакладык. Безнең бурыч — самолетларны алдан күреп, кемнеке булуын ачыклап, кая юнәлтүләрен хәбәр итү. Немецлар әнә шул бик әһәмиятле объектларны сафтан чыгарырга омтылдылар.
1943 елның декабреннән 1944 елның октябренә кадәр Киев өлкәсенең Дарница станциясендә шәфкать туташы була. 1945 елның 2 мартына кадәр Румыния-дә санчастьта инструктор. Бөек Җиңүне ул Венгриядә каршылый. Икенче дәрәҗә Бөек Ватан сугышы ордены, “Германияне җиңгән өчен”, “Сугышчан хезмәтләре өчен”, Жуков һ.б. бик күп медальләргә лаек була.
Үзе кебек үк фронт юлларын узган Харис Гафуров белән дүрт кыз үстерәләр. Халисә апа Арчада мәдәният бүлегендә хисапчы, аннан соң коммуналь конторада 30 ел тоташтан баш хисапчы булып эшли.
Ветеран районда үткәрелә торган төрле чараларда бик теләп катнаша, мәктәпләрдә була. Берничә тапкыр республика Президенты белән очрашуга барды. Республика делегациясе составында ил буйлап сәяхәтләргә чыга, сугыш еллары белән бәйле Курскта булып кайта.
15 ноябрьдә аңа 90 яшь тулды, шушы уңайдан район башкарма комитеты җитәкчесе Илшат Нуриев ветеранга Россия Президенты В.Путинның, район башлыгының Рәхмәт хатларын, бүләк тапшырды.
Ильяс СӘХӘПОВ
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз