Активрак булырга

Активрак булырга
2 декабрьдә “Бердәм Россия” партиясенең Арча җирле бүлекчәсе политсоветының утырышы булды. Аны җирле бүлекчә секретаре Илшат Нуриев ачты һәм алып барды.
Политсовет әгъзалары Надия Мифтахетдинова “Бердәм Россия” партиясенең Арча җирле бүлекчәсе секретаре урынбасары вәкаләтләрен туктатуны сорап язган гаризасын канәгатьләндерделәр. Илшат Габделфәртович аңа партия абруен күтәрүдә зур эш башкарганы, районның иҗтимагый–сәяси тормышында актив һәм нәтиҗәле катнашканы өчен рәхмәт белдерде һәм Мактау грамотасы тапшырды.
“Бердәм Россия” партиясенең Арча җирле бүлекчәсе секретаре урынбасары итеп Арча район башкарма комитетының эшләр башкаручысы Рамил Гарифҗанов сайланды.
Партиянең Арча җирле бүлекчәсе секретаре Илшат Нуриев “Бердәм Россия” партиясе Арча җирле бүлекчәсенең Татарстан Республикасында үткәрелә торган сайлау кампанияләрендә катнашуы турында” чыгыш ясады.
— Белгәнегезчә, киләсе елның 13 сентябрендә Татарстан Республикасы Президентын, шулай ук республика муниципаль берәмлекләренең вәкаләтле органнарына депутатлар сайлаулар була, — диде ул. — “Бердәм Россия” партиясе безнең гражданнарның иҗтимагый–сәяси өлкәсендәге мәнфәгатьләрен яклап бөтен дәрәҗәдәге сайлау кампанияләрендә актив катнаша.
Мин безнең бүлекчә әгъзалары халык арасында активрак эшләргә тиеш дип саныйм. Алдагы сайлау кампаниясендә үзен уңышлы яктан күрсәткән алдан партия эчендә тавыш бирү — праймерз яңадан кулланылачак. ТР Президенты вазыйфасына кандидат булырга теләүчеләр генә түгел, ә җирле муниципалитетларның вәкаләтле органнарына депутатлыкка кандидатлар да партиядәшләре һәм җәмәгать оешмалары вәкилләре алдында чыгыш ясаячак.
Утырышта шулай ук партиянең Арча җирле бүлекчәсенең Татарстан Республикасы Президентын һәм Арча муниципаль районы җирле үзидарәсе вәкаләтле органнарына депутатлар сайлау буенча җирле сайлау штабы расланды.
Илшат Нуриев 2014 елда партиянең җирле бүлекчәсе үткәргән конкурста җиңүчеләргә бүләкләр тапшырды.