Муниципаль районнар Арча муниципаль районы

Башлангычы уңышлы

2014 елның 19 декабре, җомга

Башлангычы уңышлы
Кышкы салкын көн. Ачы җил улый. Капчык белән ашлык салган чаналарын көчкә тартып, тау менгәндә бер-берсенә булышып, өсләренә телогрейкалар, аякларына чабаталар кигән, алҗыган хатын-кызлар каяндыр кайтып килә. Экрандагы бу күренешне башта кинофильмнан өзек итеп кабул иттем. Шушы хатын-кызлар шул ук чаналарны тартып, иңбашларындагы карларны кага-кага сәхнәгә килеп кергәч кенә эшнең нидә булуына төшендем.
Икесендә дә Пөшәңгәр мәктәбе укытучылары икән, ләбаса. Укытучы Рания Галәветдинованың җирле материалга төпләнеп язылган “Язмышларда әрем ачысы” дигән сценариен сәхнәләштергәннәр. Искиткеч!
Оешма, предприятие, учреждениеләр кебек үк авыл җирлекләре дә сәхнәдә үзара көч сынаша. Беренче булып дилбегәне үз кулына Апаз һәм Шушмабаш авыл җирлекләре алды. Апазлыларның концертлары әнә шулай үзенчәлекле башланып китте. Аннан сугыш тематикасын дәвам итеп, Мансур Әхмәтов Фатих Кәримнең “Кыңгыраулы яшел гармун”ын сөйләде. Бию дә, музыкаль шаяру да, трио һәм хор, Галәветдиновлар гаиләсе чыгышлары да күңелгә ятышлы булды, зал тулы тамашачының көчле алкышларын яулады. Һөнәр осталары үз эшләрен тәкъдим итте. Илмира Заһидуллина бәйләү белән шөгыльләнә икән. Ул бәйләгән итәкләр, күлмәкләр, кофталар, өлкән яшьтәге Хәйрулла Зәйнуллинның калайдан эшләгән тәрәзә өслекләре, төрле бизәкләре чын мәгънәсендә соклану уятты.
Шушмабашлылар да кимен куймады. Хор башкаруындагы “Солдатлар” җыры белән башланган чыгышка Шушмабаш укытучылары сәхнәләштергән әдәби-музыкаль күренеш ялганып китте. Залда утырган өлкәннәр сугыш башланган көнне, ул елларның төрле мизгелләрен–авырлыкларын да, күңел төшенкелеген киметү өчен кич җыелып, кул эшләре тотып, җырлап утыруларны да, якыннарын югалту ачысын, җиңү шатлыгын кичерүләрен дә тагын бер кат башларыннан кичергәндер. Ә аннан инде трио, Бариевлар гаилә ансамбле, бию коллективы чыгышлары, сәхнә ветераны Хәйдәр Әхмәтовның тальян гармунда уйнавы концертны төрләндерде, ямьләндерде. Носы мәктәбенең технология укытучысы Лена Григорьева кул эшләрен тәкъдим итте. Ул ясаган, теккән, чиккән, бәйләгән әйберләрне күреп, осталыгына сокланып утырдык.
Авыл җирлекләре арасындагы иҗат концертлары бу ике коллективның уңышлы чыгышы белән башланып китте. Башкалар да шушы рухта дәвам итәр, дип ышанабыз.
Гөлсинә ЗИННӘТОВА

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Консультация-метеорологик күренешнең интенсивлыгы турында кисәтү 18 сәгатьтән. 8 майда 18 сәгатькә кадәр. 2026 ел, 9 май

9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә. Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә: Җил көчәйгәндә: 1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим. 2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла. 3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк 4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин. 5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.

Йога безне үзгәртергә тырыша, яхшы якка!

Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш Румия Надршина Яннарына бардым. Сөйләшеп киттек. Бик ачыклар булып чыктылар. Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта. – Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.

Онытмыйлар...

Сергей Рысаев, Рамил Әскәров, Айнур Хәйретдинов истәлегенә волейбол турниры. Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте. Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков. Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.

Афәрин, тырышып уйнадылар!

Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора. Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар. Нәтиҗәләр: 1. Арчаның 6нчы хатын-кызлар командасы; 2. Арчаның 11нче балалар бакчасы; 3. Арчаның 9нчы балалар бакчасы.

ЯҢАЛЫКЛАРГА ЯЗЫЛУ