Нәтиҗәлерәк эшләргә
2015 елның 16 гыйнвары, җомга
Россия Эчке эшләр министрлыгының Арча районы буенча бүлегенең 2014 елдагы эшчәнлеге уңай бәяләнде. Әмма тынычланырга урын юк. Дөньядагы һәм илдәге вәзгыятьнең катлаулана баруы эчке эшләр органнары хезмәткәрләре алдына җитди бурычлар куя.
14 гыйнварда үткән киңәшмәдә шул турыда җитди сөйләшү булды. Анда район башкарма комитеты җитәкчесе Илшат Нуриев, Эчке эшләр министрлыгының Татарстан Республикасы буенча икътисадый куркынычсызлык һәм коррупциягә каршы тору идарәсе җитәкчесе урынбасары Фәрид Калиев, район прокуроры Ринат Ситдыйков, район суды рәисе Наил Сөнгатуллин катнашты.
Бүлек җитәкчесе Айдар Баһавиев чыгышыннан күренгәнчә, 2014 елда җинаятьләр саны кимегән, кешеләр иминлеге тәэмин ителгән, профилактика эшенә игътибар арткан.
— Җинаятьләрне ачу — иң төп бурычыбыз, — диде А.Баһавиев. — Бу мәсьәләдә тырышлыкны арттырасы бар.
Район прокуроры Ринат Ситдыйков җинаятьләр нәтиҗәсендә зыян күргән гражданнарга килгән зыянны кире кайтару буенча активрак эшләргә кирәклеген искәртте. Җинаятьләрне, бигрәк тә үлем белән бәйле булганнарын, ачу буенча нәтиҗәлерәк эшләргә.
Район башкарма комитеты җитәкчесе Илшат Нуриев район эчке эшләр бүлеге коллективының үз алдында торган бурычларны үтәргә сәләтле булуын билгеләп үтте. Районда иминлекне тәэмин итүгә барыбыз да өлеш кертергә тиеш. Балалар арасында җинаятьчелекне бөтенләй бетерергә. Балалар — безнең киләчәгебез. Мәгариф идарәсе белән берлектә профилактика эше алып барырга. Участок инспекторлары авыл җирлекләре белән тыгыз элемтәдә торырга бурычлы. Икътисадый җинаятьләрне кисәтү буенча да нәтиҗәле эш көтәбез. 2015 ел катлаулы ел булачак, бюджет акчалары максатчан файдаланырга тиеш.
— Һәркем эшен дөрес итеп башкарганда гына алга бара алырбыз, —диде район җитәкчесе.
Ильяс ФӘТТАХОВ
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз