Муниципаль районнар Арча муниципаль районы

Яңа елда бергә булыйк

2015 елның 16 гыйнвары, җомга

Яңа елда бергә булыйк
Әле кайчан гына мәш килеп Яңа ел каршыларга әзерләнеп йөрдек. Бүген ул турыда узган ел, дип сөйләшәбез. Уйлап карасаң, бер мизгеллек бәйрәм өчен күпме мәшәкатьләр бит. Шунысы күңелне куандыра — күңелле мәшәкатьләр! Ә шәһәребез ничек ямьләнде бу чорда! Кайсы почмагына барма, аллы-гөлле утлар җемелдәп, күңелгә рәхәтлек, сихри нур
өсти.
Килешерсезме–юкмы, быел Арчабыз аеруча матур булган кебек тоелды. Урамнардагы агачларга кадәр утлар яктысыннан җемелдәп торды. Ә оешмалар, предприятиеләр, мәктәпләр, балалар бакчалары яннары... искиткеч матур иде! Кар сыннары, утлар белән бизәлгән чыршылар... Һәр җирдә төп урында Яңа ел символына әверелгән Кыш бабай, Кар кызы сыннары. Барысы да район күләмендә үткәрелгән бәйгедә җиңү яуларга лаеклы. Тик бу очракта да бәйге бәйге булып кала. Менә шул матурлык арасыннан да иң матурларны сайлап алырга туры килгән комиссиягә.
13 гыйнварда искечә Яңа елны каршы алу тантанасында район башкарма комитеты җитәкчесе Илшат Нуриев та катнашты. Ул район халкын Яңа ел белән котлады, яңа уңышлар теләде, үзәк чыршыны ачу тантанасында Кыш бабайда кунакта булып, матур чыгыш ясаганнарга, шулай ук оешма, предприятие, мәктәп, балалар бакчалары яннары бизәлеше буенча “Яңа ел бизәкләре” бәйгеләрендә җиңү яулаган коллективларга тантаналы шартларда бүләкләр тапшырды.
Әй, бәйрәм итәргә ярата да инде безнең халык. Тәмен белеп, рәхәтләнеп. 31 декабрьдән 1 гыйнварга каршы төндә дә, Кремль сәгатьләре төнге 12не суккач, салкын булуга карамастан, халык үзәк стадионга җыелган иде. Ул вакытта үзешчәннәребез белән бергә якташыбыз, җырчы Илназ Гарипов мәйданга җыелганнарның күңелен күрде.
Искечә Яңа елны каршы алу тантанасы да күңелле һәм кызыклы чыгышлар белән үрелеп барды. Үзәк чыршыны ачу тантанасында тамашачы ихтирамын яулаган коллективлар яңадан сәхнәгә чакырылды. Җиңүчеләр парадын искиткеч чыгышлары белән халыкны социаль яклау бүлеге һәм “Бердәм Россия” сәяси партиясенең Арча җирле бүлекчәсе коллективы башлап җибәрде.
Мәдәният хезмәткәрләренең хезмәтен дә күрми һич мөмкин түгел. Алар бәйрәм көннәрендә, халык ял иткәндә дә эшләде. Хәтта күрше Әтнә районына да барып, үзәк чыршы янында ике сәгатьлек бәйрәм концерты куйды. Күршеләребез дә җавапсыз калмаган. Искечә Яңа елны каршы алу тантанасына үзенчәлек кертеп, Әтнә районы үзешчәннәре безгә килде. Киләчәктә дә ут күршеләр белән шулай дус, тату яшәргә насыйп булсын иде. Яңа ел белән барыгызны да! 2015 ел һәрберебезгә сәламәтлек, иминлек, тынычлык, уңышлар гына алып килсен! Яңа елда да бергә булыйк, дуслар!
Гөлсинә ЗӘКИЕВА

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Консультация-метеорологик күренешнең интенсивлыгы турында кисәтү 18 сәгатьтән. 8 майда 18 сәгатькә кадәр. 2026 ел, 9 май

9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә. Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә: Җил көчәйгәндә: 1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим. 2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла. 3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк 4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин. 5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.

Йога безне үзгәртергә тырыша, яхшы якка!

Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш Румия Надршина Яннарына бардым. Сөйләшеп киттек. Бик ачыклар булып чыктылар. Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта. – Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.

Онытмыйлар...

Сергей Рысаев, Рамил Әскәров, Айнур Хәйретдинов истәлегенә волейбол турниры. Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте. Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков. Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.

Афәрин, тырышып уйнадылар!

Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора. Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар. Нәтиҗәләр: 1. Арчаның 6нчы хатын-кызлар командасы; 2. Арчаның 11нче балалар бакчасы; 3. Арчаның 9нчы балалар бакчасы.

ЯҢАЛЫКЛАРГА ЯЗЫЛУ