Муниципаль районнар Арча муниципаль районы

Мәскәүгә барырлык концерт

2015 елның 13 феврале, җомга

Мәскәүгә барырлык концерт
6 февральдә район Мәдәният йортында Арчаның 1нче мәктәбе һәм 5нче гимназия коллективлары иҗат концерты куйды. Концертка сигез көн кала бер танышым:
— Билетлар беткән, — дип борчылып шалтыратты. — Күпчелек билетны мәктәпләр үзләренә алган. Сезгә бер зур үтенеч бар иде: зинһар өчен бер билет табып бирә алмассызмы икән?
Билет юнәтү бик четерекле эш булып чыкты. Шулай да концертны карау бәхетенә ирештек. Концертка килгән халыкны күрсәгез иде, әйтерсең лә, бөтен Арча купкан. Хәтта гардеробта номер калмаган иде, пәлтәләрне кулга тотып, тамаша залына үтәргә туры килде.
Иң башта 1нче мәктәп коллективы сәхнәгә чыкты. Елдан–ел остара бара алар. Сәхнәдә үзләрен зәвыклы итеп тота беләләр. Бер генә номер да озакка сузылып ялыктырмады. Янәшәбездә яшәгән укытучыларның, укучыларның сәх-нәдәге осталыкларын күреп хәйраннар калдык. Җиңүнең 70 еллыгына багышланган сәхнә күренешен дулкынланып, тып–тын калып тыңладык. Айрат Шәңгәрәевның үзенә бертөрле затлы тавыш белән җырлавына исебез китте. Мәктәп укучысы Инсаф Гаптелбәровның оста көрәшче генә түгел, менә дигән җырчы икәнен дә күрдек. Укытучылар Гүзәл Ахунова, Диләрә Гаптелбәрова, Рузия Сафиуллинаның өчесе бергә җырлавы сәхнәләрдән төшерми торган номер иде.
5нче гимназия чыгышын да яратып карадык. Алар да кабатланмас номерлары белән тамашачы күңелен яулый белә. “Һөнәрле үлмәс, һөнәрсез көн күрмәс” сәхнә күренешендә физкультура укытучысы Зөфәр Ильясовның үз эшенә бирелгән укытучы гына түгел, умартачы да икәнлеген күрдек. Шаян сәхнә күренешендә коллектив теманы уңышлы сайлаган (ГТО тапшыру) һәм ул аны оста итеп уйнады да.
Һәр чыгышка тукталасы килә. Әмма концертның үзен күрергә кирәк. Тамашачы алдында имтихан тоту коллектив өчен бик зур хезмәт ул. Тамашачы юкка гына ашкынмаган икән, алар ышанычы акланды, ике коллективка да “Афәрин!” диясе килә. Ә тамашачы фикере төрле: “1нче мәктәпнең концерты Мәскәүгә барырлык!”, “5нче гимназия чыгышы күңелгә якынрак булды…”
Румия НАДРШИНА

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Консультация-метеорологик күренешнең интенсивлыгы турында кисәтү 18 сәгатьтән. 8 майда 18 сәгатькә кадәр. 2026 ел, 9 май

9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә. Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә: Җил көчәйгәндә: 1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим. 2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла. 3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк 4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин. 5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.

Йога безне үзгәртергә тырыша, яхшы якка!

Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш Румия Надршина Яннарына бардым. Сөйләшеп киттек. Бик ачыклар булып чыктылар. Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта. – Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.

Онытмыйлар...

Сергей Рысаев, Рамил Әскәров, Айнур Хәйретдинов истәлегенә волейбол турниры. Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте. Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков. Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.

Афәрин, тырышып уйнадылар!

Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора. Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар. Нәтиҗәләр: 1. Арчаның 6нчы хатын-кызлар командасы; 2. Арчаның 11нче балалар бакчасы; 3. Арчаның 9нчы балалар бакчасы.

ЯҢАЛЫКЛАРГА ЯЗЫЛУ