Район Советы утырышы
2015 елның 4 марты, чәршәмбе
26 февральдә Татарстан Республикасы Президенты Аппараты җитәкчесе Әсгать Сәфәров Арча районында булды. Аны район башкарма комитеты җитәкчесе Илшат Нуриев каршы алды һәм озатып йөрде.
Мөхтәрәм кунак Арча шәһәрендә ачылган Боз сараен карады. Көнбатыш өлешендәге мәчеттә, чиркәүдә булды. Раил хәзрәт һәм Василиск атакай белән очрашып сөйләште.
Әсгать Сәфәров Арча район Советының чираттагы 47нче утырышында катнашты.
Утырышта район башкарма комитеты җитәкчесе Илшат Нуриев “Арча муниципаль районының 2014 елда социаль–икътисадый үсеше йомгаклары һәм 2015 елга бурычлар турында” чыгыш ясады.
Көн тәртибендәге мәсьәлә буенча фикер алышуда Сеҗе авыл җирлеге башлыгы Гөлфия Гыйбадуллина, “Игенче” ширкәте җитәкчесе Илнар Гайнетдинов катнашты.
Татарстан Республикасы икътисад министры урынбасары Булат Хаҗиәхмәтов Татарстан Республикасының 2030 елга кадәрге чорга социаль–икътисадый үсеше стратегиясе проекты турында сөйләде.
Татарстан Республикасы Президенты Аппараты җи-тәкчесе Әсгать Сәфәров Арча районының татар халкы арасында киң танылган төбәк булуын билгеләп үтте. Мәгърифәтебезне, мәдәниятебезне, телебезне саклауда өлеше зур. Район шулай ук республиканың социаль–икътисадый үсешенә лаеклы өлеш кертә. Болар бар да район халкының тырыш хезмәте нәтиҗәсе.
— Милләтләр һәм диннәр арасындагы татулык республикабызның элек–электән килгән горурлыгы. Бүгенге катлаулы шартларда без аны ныгыта гына барырга тиеш, — диде ул.
Әсгать Сәфәров республика Президенты Рөстәм Миңнехановның 2015 елда да республика программалары башка еллардагыча эшләячәк, дигән белдерүен җиткерде. Республика агрокомплексы үсештә, бүген базарда уңай шартлар туды, сату бәяләре артты. Арча районы көндәлек сөт сату буенча өченче урында. Яхшы нәтиҗә бу. Әмма районның мөмкинлеге зур. Сөт күрше Әтнә районыныкына караганда ике тапкыр кимрәк җитештерелә.
Эшмәкәрлекне үстерү, сәнәгать мәйданчыклары булдыру буенча активрак эшлисе бар. Бердәм дәүләт имтиханнары нәтиҗәләре буенча районның 19нчы урында гына булуы борчый. Ә менә сәламәтлек саклау өлкәсендә район икенче урында, массакүләм спорт әйбәт куелган. Юл һәлакәтләрен, янгыннарны булдырмау буенча эшлисе бар.
Ильяс ФӘТТАХОВ
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз