Муниципаль районнар Арча муниципаль районы

Законнар төгәл үтәлсен өчен

2015 елның 20 марты, җомга

Законнар төгәл үтәлсен өчен
18 мартта районның коррупциягә каршы тору комиссиясенең чираттагы утырышы узды. Аны муниципаль район башлыгы урынбасары Любовь Осина алып барды.
Утырышта ЗАГС бүлеге җитәкчесе вазыйфаларын башкаручы Фәридә Бәхтиярова 2014 елда Арча ра-йонында “Гражданлык хәле актлары турында”гы законның үтәлеше турында хисап тотты. Хисап елында ЗАГС эшчәнлегенә карата гражданнардан шикаятьләр килмәгән. Төгәл исәбе барырга тиешле документларның югалу яки бозылу очрагы теркәлмәгән. Соңгы вакытта ЗАГС бүлеге дәүләт хезмәтләре порталы аша электрон хезмәт күрсәтүне киң куллана. Андыйларның өлеше 77 процент тәшкил иткән. ТР Юстиция министрлыгы үткәргән тикшерүләр актларның дөрес һәм сыйфатлы төзе-лүен раслаган.
Икенче көн тәртибе буенча район Советының законнарны системалаштыру һәм хокук секторы мөдире Алсу Мөхәммәтова муниципаль хакимият органнары тарафыннан кабул ителгән норматив–хокук актларының коррупциягә каршы торучанлыгына экспертиза үткәрү турында сөйләде. Узган ел шундый 395 документ экспертиза узган, коррупцион фактлар табылмаган. Җирле законнарның проектлары бәйсез экспертлар игътибарына районның рәсми сайтына да куелган. Әлегә шикаятьләр белдерелмәгән. Агымдагы елда 60 документ экспертиза узган. Утырышта киләчәктә дә муниципаль законнар проектларына экспертиза үткәрү өчен район прокуратурасына җибәрү кирәклеге әйтелде.
Районның милек һәм җир мөнәсәбәтләре палатасы рәисе Нияз Фәттахов районда җирләрне рәсмиләштерүдә коррупциягә каршы законнарның үтәлеше турында мәгълүмат бирде. Палата рәисе җирләрне конкурс аша сату һәм арендага бирү тәртибе белән таныштырды.
2014 елда конкурс процедурасы аша 88,6 гектар җир (196 участок) сатылган. Район бюджетына 9,6 миллион сум кергән, 10,8 гектар (15 участок) арендага бирелгән. Быел 4,1 миллион сумга 40,3 гектар (67 участок) сатылган, 1982 гектар (6 участок) арендага бирелгән. Шулай ук ул район башкарма комитеты җитәкчесе карары нигезендә муниципаль милек реестрын тулыландыру буенча башкарган эшләр белән дә таныштырды.
Комиссия каралган мәсьәләләр буенча карар кабул итте. Аның белән сез район сайтында таныша аласыз.
Исрафил НАСЫЙБУЛЛИН

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Консультация-метеорологик күренешнең интенсивлыгы турында кисәтү 18 сәгатьтән. 8 майда 18 сәгатькә кадәр. 2026 ел, 9 май

9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә. Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә: Җил көчәйгәндә: 1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим. 2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла. 3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк 4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин. 5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.

Йога безне үзгәртергә тырыша, яхшы якка!

Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш Румия Надршина Яннарына бардым. Сөйләшеп киттек. Бик ачыклар булып чыктылар. Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта. – Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.

Онытмыйлар...

Сергей Рысаев, Рамил Әскәров, Айнур Хәйретдинов истәлегенә волейбол турниры. Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте. Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков. Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.

Афәрин, тырышып уйнадылар!

Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора. Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар. Нәтиҗәләр: 1. Арчаның 6нчы хатын-кызлар командасы; 2. Арчаның 11нче балалар бакчасы; 3. Арчаның 9нчы балалар бакчасы.

ЯҢАЛЫКЛАРГА ЯЗЫЛУ