Икеайлык җитә

Икеайлык җитә
26 мартта Арча район Советының һәм башкарма комитетының җаваплы хезмәткәрләре, муниципаль берәмлекләр башлыклары, авыл хуҗалыгы оешмалары, предприятие, учреждение, оешмалар җитәкчеләре, торак милекчеләр ширкәтләре, административ комиссияләр, санитария–экология хәлен яхшырту буенча икеайлыкны үткәрү буенча район штабы әгъзалары катнашында киңәшмә уздырылды.
Аны район башкарма комитеты җитәкчесе Илшат Нуриев ачты һәм алып барды.
— 1 апрельдән санитария–экология хәлен яхшырту буенча икеайлык башлана, — диде район җитәкчесе. — Әлеге чорда Габдулла Тукайның 129 еллыгы һәм Җиңүнең 70 еллык юбилее зурлап билгеләп үтеләчәк. Шуңа күрә икеайлыкта аеруча тырышып эшләргә кирәк булачак.
Район башкарма комитеты җитәкчесенең беренче урынбасары Илшат Галимуллин Арча муниципаль районында икеайлыкта санитария–экология хәлен яхшыр-ту буенча үткәреләчәк чаралар белән таныштырды.
Арча шәһәр башкарма комитеты җитәкчесе Рафил Исмәгыйлев шәһәрдә чисталык һәм тәртипне тәэмин итү, территорияләрне оешма һәм учреждениеләргә беркетү, ТР Экология һәм табигать ресурслары ми- нистрлыгының Төньяк территориаль идарәсе җитәкчесе Радик Шаһиәхмәтов районда санитария–экология хәленең торышы, 107 номерлы янгын часте җитәкчесе Данис Сибгатуллин районда су ташуларга һәм янгынга каршы чаралар үткәрү, “Роспотребнадзор”ның Арча һәм Биектау районнарындагы территориаль бүлеге җитәкчесе Эльвира Шәйхуллина бүлекнең икеайлыктагы эш планы турында сөйләделәр.
— Икеайлыктагы чараларны үтәү мөһим, — диде район башкарма комитеты җитәкчесе Илшат Нуриев. — Күзәтчелек органнарына да ныграк торырга кирәк. Янгын куркынычсызлыгы кагыйдәләрен халыкка яхшылап аңлатырга. Имин булмаган гаиләләргә аеруча игътибар бирергә. Апрельдән башлап янгыннар еш булган җирлекләрнең башлыкларын тыңлаячакбыз. Безнең өчен һәр кеше гомере кадерле.
Ильяс СӘХӘПОВ