Муниципаль районнар Арча муниципаль районы

Кагыйдәләрне төгәл үтәгез

2015 елның 15 апреле, чәршәмбе

Кагыйдәләрне төгәл үтәгез
Казанның “Адмирал” базарындагы янгын бик күп кешеләр өчен кайгы-хәсрәт алып килде.
Курса разъездындагы төнге янгын 4 кешенең гомерен өзде. Сеҗе янгын сүндерүчеләре тиз арада килеп җитүләре аркасында күрше йортлар саклап калынды. Наил Гарипов, Азат Кәлимуллин, Айнур Хуҗин составындагы команда фидакарь эшләде. Аларга суны ирекле янгынчылар “ГАЗ-53” машинасы белән Альфред Рәхимуллин һәм “МТЗ-80” тракторы белән Радик Фәйзрахманов “Мегаферма” гидрантыннан ташып тордылар. Ярдәм Арча янгын бүлегеннән дә килеп җитте.
Берсе артыннан берсе булган фаҗигаләр безне уяу булырга чакыра. Янгынны сүндерүгә караганда аны булдырмый калу мөһимрәк. Иң зур югалту — кешеләрнең үлеме. Без кайда хата җибәрәбез соң?
Уйланырга мәҗбүр итә торган сорау бу. “Адмирал”дагы фаҗига сәбәпләрен тикшерү нәтиҗәләре ачыклар. Курса разъездындагы янгын мичнең чорма өлешендәге җитешсезлектән килеп чыккан. Атна-ун көн элек шул урында янгын чыккан булган инде, күреп сүндереп калганнар. Кызганыч, җитешсезлек вакытында бетерелмәгән...
Мич төзексезлегеннән соң икенче урында электр приборлары белән сак эшләмәү тора. Шулай ук искергән электр үткәргечләре куркыныч тудыра. Шулар артыннан балалар шуклыгы бара.
Яз әлеге мәсьәләгә үзенең төзәтмәләрен өсти. Кар астыннан кыш буе ташланган чүпләр чыга. Торак йортларга якын гына урыннарда, авыл башларында, елга-тау битләрендә коры үлән янгын чыгу куркынычы тудыра.
Сеҗе янгын посты хезмәткәрләре бүгенге көндә кисәтү эше белән мәшгуль. Һәр өйдә булып, кабаттан янгын куркынычсызлыгын күздән кичереп чыгабыз, хуҗалардан кимчелекләрне бетерүне таләп итәбез. Шуның белән бергә юл-транспорт һәлакәтләрендә коткару эшләрендә катнашабыз һәм су басуларны бул- дырмау максатында плотиналарны күзәтәбез.
Фаил Таҗиев,
Сеҗе янгын посты җитәкчесе

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Шторм кисәтүе аномаль-эссе һава торышы турында Татарстан Республикасы территориясендә 2026 елның 16 маеннан 22 маена кадәр

Татарстан Республикасы территориясендә уртача тәүлеклек һава температурасы нормадан 9-11° ка югарырак булган аномаль-эссе һава торышы көтелә, бу чорда һаваның максималь температурасы +26дан +33°ка кадәр җитә. Россия гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә: 1. Өйдә һава температурасын салкынча тотыгыз. Көндез тәрәзәләрне һәм тәрәзә капкачларын ябыгыз (әгәр булса, бигрәк тә тәрәзәләр кояшлы якка чыкса. Урамда һава температурасы бүлмәдәгегә караганда түбәнрәк булган төнгә тәрәзәләрне һәм тәрәзә капкачларын ачыгыз. Әгәр сезнең торак кондиционер белән җиһазландырылган икән, тәрәзәләрне һәм ишекләрне ябыгыз. Вентиляторлар бераз җиңеллек китерергә мөмкин, ләкин һава температурасы 35 градус С тан югары булганда, вентилятор җылылык авыруларыннан коткарып кала алмый. Бик күп эчәргә кирәк. 2. Эсседә булмаска тырышыгыз. Өйдәге иң салкын бүлмәгә күчегез, бигрәк тә төнлә. әгәр бу мөмкин булмаса, өйдә салкын температураны саклагыз, көненә 2-3 сәгать салкын биналарда (мәсәлән, кондиционерлар белән җиһазландырылган җәмәгать биналарында) үткәрегез. Тәүлекнең иң эссе вакытында урамга чыкмаска тырышыгыз. Көчле физик йөкләнештән сакланыгыз. Күләгәдә калырга тырышыгыз. Балаларны һәм хайваннарны парковкаланган автомобильләрдә калдырмагыз. 3. Тәннең артык җылынуына юл куймагыз, җитәрлек сыеклык эчегез. Салкынча душ алыгыз. Шулай ук салкын компресслар яки төрүләр ясарга, юеш салкын сөлгеләр кулланырга, тәнне салкын су белән сөртергә, аяклар өчен салкынча ванналар ясарга һ.б. мөмкин. табигый тукымалардан җиңел һәм иркен кием киегез. Урамга чыкканда киң кырыйлы эшләпә яки кепка яки Кояштан саклаучы күзлек киегез. Татлы һәм алкогольле эчемлекләрдән качып, эчү режимын саклагыз.

Хөрмәтле Арча муниципаль районы халкы!

Әйләнә-тирә территорияне пычратуны киметү һәм икенчел ресурсларны хуҗалык әйләнешенә кертү, шулай ук каты коммуналь калдыклар өчен контейнер мәйданчыкларын чүпләмәү максатларында Арча муниципаль районында эшкәртелгән шиннар һәм покрышкалар өчен җыю мәйданчыгы булдырылды. Шиннарны чыгару һәм алга таба утильләштерү В.Д.Шашин ис.«Татнефть» ГАҖ көче белән түләүсез нигездә башкарылачак. Мәйданчыкның адресы: Арча шәһәре, Космонавтлар ур., 2 йорт (координатлары: 56.097663, 49.896087, контейнер мәйданчыгы территориясе)

май, 2026 ел

Төзекләндерү объектлары өчен бөтенроссия онлайн-тавыш бирү 12 июньгә кадәр дәвам итәчәк

Киләсе елда районыбызның нинди иҗтимагый киңлеген төзекләндерергә икәнен сайлыйбыз. Тавыш бирүдә барлыгы 3 объект катнаша. Тавыш бирү өчен: - http://zagorodsreda.gosuslugi.ru сайтында, моның өчен дәүләт хезмәтләре Порталы аша авторизация узарга кирәк; - «Госуслуги. Решаем вместе» мобиль кушымтасы аша; - тавыш бирү волонтерлары ярдәмендә - аларны «Мәрхәмәтле Татарстан»дип язылган махсус киемнәреннән танып була. Бер генә иҗтимагый киңлек өчен тавыш бирергә мөмкин. Иҗтимагый киңлекләр өчен тавыш бирү «Яшәү өчен Инфраструктура» милли проектының «Уңайлы шәһәр мохитен формалаштыру» Федераль проекты кысаларында уза.

Хөрмәтле райондашлар! Тукай марафонына рәхим итегез!

Бөек татар шагыйре Габдулла Тукайның тууына 140 ел тулу һәм районыбызда игълан ителгән Тукай елы уңаеннан, сезне күңелле чарага – «Тукай марафонына» чакырабыз! Без Арчадан шагыйрь яшәгән Яңа Кырлай авылына кадәр йөгереп барачакбыз. Чара көне: 15 май Җыелу урыны: Совет мәйданы Старт: 10:30 сәгатьтә Совет мәйданыннан кузгалабыз. Чара башланыр алдыннан, 10:00 сәгатьтә шунда ук, Совет мәйданында социаль челтәрләрдә узган «Без Тукайны укыйбыз. Арча» шигырь уку марафонына нәтиҗәләр ясалачак. Бу чарада җиңүчеләрне бүләкләп, аларның уңышларын билгеләп үтәрбез.

ЯҢАЛЫКЛАРГА ЯЗЫЛУ