Муниципаль районнар Арча муниципаль районы

Безнекеләр беренче

2015 елның 24 апреле, җомга

Безнекеләр беренче
Күптән түгел Арча РОСТО (ДОСААФ) оешмасының хезмәткә өйрәтү осталары–инструкторлар арасында Яр Чаллыда узган ярышлардан Ринат Хәкимов җиңел, Илнар Гыйбадуллин йөк машиналарында, Марсель Галимҗанов автобуста 1 урын яулап кайтты. Хәзер алар җәй айларында Мәскәүдә узачак Россия беренчелегенә әзерләнә. Гомумән, ДОСААФ оешмасының уңышлары еш ишетелеп тора. Әлеге уңышларның сере нидә соң?
Бу сорауны Арча РОСТО (ДОСААФ) оешмасы җитәкчесе Ринат Алеевка бирдек.
— Кадрларның яхшы булуында, әлбәттә, — диде ул. — Инструкторлар арасында өч дистә ел эшләүчеләр дә бар. Әйтик, Нәкыйп Зарипов. Шулай ук Габделфәрт Сәфәров, Тәлгать Зиннәтуллин, Роберт Камалетдиновларны аерып атап үтәсе килә. Иң яшь дигәннәре дә дистә елга якын намуслы хезмәт куя.
— Быел оешмагыз яхшы күрсәткечләр белән республиканың ДОСААФ оешмалары арасында 1 урынга чыккан икән.
— Бу дәрәҗәбез дә тырыш хезмәткәрләребезнең уңышы. 2014 ел нәтиҗәләре буенча башкарган хезмәтебез 5 төрле юнәлештә 1 урын булып бәяләнде. Ул биш төргә машина йөртүчеләр әзерләү, оешманың финанс хәле (безгә дәүләт ярдәме күрсәтелми), спорт, патриотик тәрбия, матди–техник база керә. Узган ел спорт төрләре буенча рес- публика күләмендә 6 ярыш булды һәм бишесендә безнең оешма 1 урынны алуга иреште. Спорт ярышларына килгәндә, тренерлар Фәрит Минхәиров, Рамил Гыйлаҗиевларның өлеше зур. Бер башлагач, гел мактанасы килеп тора. Елның әле 4 ае гына узып барса да, быелгы ярышларда да күрсәтерлек уңышларыбыз бар. Шушы көннәрдә Шушмабаш мәктәбе инструкторы Әнис Шәймәрданов җитәкчелегендәге Шушмабашның өч — Алсу Рәхмәтуллина, Энҗе Хәлиуллина, Рәзил Исхаков һәм Апаз мәктәбенең 1 укучысы –Инсаф Низамовтан торган команда, Чаллыда узган “Яшь машина йөртүче–2015” бәйгесендә Арча РОСТО (ДОСААФ) оешмасының данын яклап, 3 урын алып кайтты. Шушмабаш мәктәбенә мондый ярышлар ят түгел, алар һәр елны диярлек район данын яклап ДОСААФ оешмасы ярышларында катнаша һәм алдынгылыкны бирми. Гомуми нәтиҗәләр буенча алдынгы урыннар алуда укытучылар Рөстәм Алеев, Ленар Вәлиуллов, Илнар Гайнетдинов, Альфред Габдрахмановның да тырышлыгы күп.
Розалия Зиннәтова

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Шторм кисәтүе аномаль-эссе һава торышы турында Татарстан Республикасы территориясендә 2026 елның 16 маеннан 22 маена кадәр

Татарстан Республикасы территориясендә уртача тәүлеклек һава температурасы нормадан 9-11° ка югарырак булган аномаль-эссе һава торышы көтелә, бу чорда һаваның максималь температурасы +26дан +33°ка кадәр җитә. Россия гадәттән тыш хәлләр министрлыгының Татарстан Республикасы буенча Баш идарәсе халыкка тәкъдим итә: 1. Өйдә һава температурасын салкынча тотыгыз. Көндез тәрәзәләрне һәм тәрәзә капкачларын ябыгыз (әгәр булса, бигрәк тә тәрәзәләр кояшлы якка чыкса. Урамда һава температурасы бүлмәдәгегә караганда түбәнрәк булган төнгә тәрәзәләрне һәм тәрәзә капкачларын ачыгыз. Әгәр сезнең торак кондиционер белән җиһазландырылган икән, тәрәзәләрне һәм ишекләрне ябыгыз. Вентиляторлар бераз җиңеллек китерергә мөмкин, ләкин һава температурасы 35 градус С тан югары булганда, вентилятор җылылык авыруларыннан коткарып кала алмый. Бик күп эчәргә кирәк. 2. Эсседә булмаска тырышыгыз. Өйдәге иң салкын бүлмәгә күчегез, бигрәк тә төнлә. әгәр бу мөмкин булмаса, өйдә салкын температураны саклагыз, көненә 2-3 сәгать салкын биналарда (мәсәлән, кондиционерлар белән җиһазландырылган җәмәгать биналарында) үткәрегез. Тәүлекнең иң эссе вакытында урамга чыкмаска тырышыгыз. Көчле физик йөкләнештән сакланыгыз. Күләгәдә калырга тырышыгыз. Балаларны һәм хайваннарны парковкаланган автомобильләрдә калдырмагыз. 3. Тәннең артык җылынуына юл куймагыз, җитәрлек сыеклык эчегез. Салкынча душ алыгыз. Шулай ук салкын компресслар яки төрүләр ясарга, юеш салкын сөлгеләр кулланырга, тәнне салкын су белән сөртергә, аяклар өчен салкынча ванналар ясарга һ.б. мөмкин. табигый тукымалардан җиңел һәм иркен кием киегез. Урамга чыкканда киң кырыйлы эшләпә яки кепка яки Кояштан саклаучы күзлек киегез. Татлы һәм алкогольле эчемлекләрдән качып, эчү режимын саклагыз.

Хөрмәтле Арча муниципаль районы халкы!

Әйләнә-тирә территорияне пычратуны киметү һәм икенчел ресурсларны хуҗалык әйләнешенә кертү, шулай ук каты коммуналь калдыклар өчен контейнер мәйданчыкларын чүпләмәү максатларында Арча муниципаль районында эшкәртелгән шиннар һәм покрышкалар өчен җыю мәйданчыгы булдырылды. Шиннарны чыгару һәм алга таба утильләштерү В.Д.Шашин ис.«Татнефть» ГАҖ көче белән түләүсез нигездә башкарылачак. Мәйданчыкның адресы: Арча шәһәре, Космонавтлар ур., 2 йорт (координатлары: 56.097663, 49.896087, контейнер мәйданчыгы территориясе)

май, 2026 ел

Төзекләндерү объектлары өчен бөтенроссия онлайн-тавыш бирү 12 июньгә кадәр дәвам итәчәк

Киләсе елда районыбызның нинди иҗтимагый киңлеген төзекләндерергә икәнен сайлыйбыз. Тавыш бирүдә барлыгы 3 объект катнаша. Тавыш бирү өчен: - http://zagorodsreda.gosuslugi.ru сайтында, моның өчен дәүләт хезмәтләре Порталы аша авторизация узарга кирәк; - «Госуслуги. Решаем вместе» мобиль кушымтасы аша; - тавыш бирү волонтерлары ярдәмендә - аларны «Мәрхәмәтле Татарстан»дип язылган махсус киемнәреннән танып була. Бер генә иҗтимагый киңлек өчен тавыш бирергә мөмкин. Иҗтимагый киңлекләр өчен тавыш бирү «Яшәү өчен Инфраструктура» милли проектының «Уңайлы шәһәр мохитен формалаштыру» Федераль проекты кысаларында уза.

Хөрмәтле райондашлар! Тукай марафонына рәхим итегез!

Бөек татар шагыйре Габдулла Тукайның тууына 140 ел тулу һәм районыбызда игълан ителгән Тукай елы уңаеннан, сезне күңелле чарага – «Тукай марафонына» чакырабыз! Без Арчадан шагыйрь яшәгән Яңа Кырлай авылына кадәр йөгереп барачакбыз. Чара көне: 15 май Җыелу урыны: Совет мәйданы Старт: 10:30 сәгатьтә Совет мәйданыннан кузгалабыз. Чара башланыр алдыннан, 10:00 сәгатьтә шунда ук, Совет мәйданында социаль челтәрләрдә узган «Без Тукайны укыйбыз. Арча» шигырь уку марафонына нәтиҗәләр ясалачак. Бу чарада җиңүчеләрне бүләкләп, аларның уңышларын билгеләп үтәрбез.

ЯҢАЛЫКЛАРГА ЯЗЫЛУ