Арча муниципаль районы Сабантуе программасы 7 июнь 2015 ел, Арча шәһәре, стадион

Арча муниципаль районы Сабантуе программасы
7 июнь 2015 ел, Арча шәһәре, стадион
I. Бәйрәмне ачу тантанасы. (10.00-11.00)
Арча муниципаль районы җитәкчесе И.Г.Нуриевның котлавы, Сабантуй флагын күтәрү, кунакларның котлаулары, колгага сөлгеләр бәйләү, бизәлгән җигүле атларны мәйданга кертү.
Бүләкләү: кыр батырлары, Арча районының Шәрәфле гражданнары, узган елның Сабантуенда туган сабый, “алтын” юбилярлар, предприятие, оешма, учреждениеләр арасында спартакиада, иҗат концертларында җиңүче җитәкчеләр.
Кереш өлеше “Буын чылбырларын бәйли Сабантуйның көрәш сөлгесе”
II. Бәйрәм концерты (11.00-17.00)
III. Массакүләм спорт чаралары (11.00-17.00)
- милли көрәш: балалар (3нче сыйныфны кертеп), яшүсмерләр (40 кг.га кадәр, 45 кг.га кадәр, 50 кг.га кадәр, 55 кг.га кадәр, 60 кг.га кадәр, 65 кг.га кадәр, 70 кг.га кадәр, 70 кг.нан югары), ветераннар, зурлар (60 кг.га кадәр, 70 кг.га кадәр, 80 кг.га кадәр, 90 кг.га кадәр, 90 кг.нан югары) арасында.
Баш хөкемдар – Р.З. Алеев, баш сәркатип– Б.Р. Гәрәев
- кул көрәштерү: ирләр (70 кг.га кадәр, 80 кг.га кадәр, 80 кг.нан югары), хатын-кызлар (60 кг.га кадәр, 70 кг.га кадәр, 70 кг.нан югары).
Хөкемдарлар – Ф.В.Мөбарәков, Ф.Н. Мөхәммәтшин
- гер күтәрү (ирләр, хатын-кызлар, яшүсмерләр арасында).
Хөкемдарлар – М.Ф. Мөхәммәдиев, Ф.Ф. Һадиев
- йөгерү: ирләр (3000 м), хатын-кызлар (1500 м).
Хөкемдарлар – Б.К. Бакиров, В.Р.Таджибаева
- аркан тартышу
Хөкемдар – И.А.Хәбибуллин
- таяк тартышу
Хөкемдар – И.З. Шакиров
- теннис
Хөкемдарлар – И.Г. Шакиров, Р.Р.Насыйбуллин
- туры колгага менү
Хөкемдар – З.Ә.Ильясов
- авыш колгага менү
Хөкемдар – Р.Д.Мөхәммәдияров
- көчлеләр сынашуы (экстрим): авыр таш күтәрү, машина тарту
Хөкемдарлар – Т.И. Сәгъдиев, Р.Р.Галәветдинов
IV. Халык уеннары: (11.00-17.00)
чүлмәк вату, капчык киеп йөгерү, кашыкка йомырка куеп йөгерү, күзләрне бәйләп бүләкләр кисеп алу, сулы чиләк-көянтә белән йөгерү, бүрәнәдә капчык белән “сугышу”, күзләрне бәйләп кадак кагу, “торба аша” чыгу, сулы чиләктән алма алу, “чаңгыда йөрү”, озын аякта узышу, ласт киеп йөгерү, коймак ашау, әтәч тоту, күзләрне бәйләп капчык сугышы, катыктан акча эзләү һ.б. уеннар.
Баш хөкемдар – З.М. Дәүләтбаев
V. Ат чабышы: эш атлары, ярымчиста һәм чиста чабыш атлары арасында (12.00-14.00)
Баш хөкемдар – Н.С.Нәбиуллин
VI. Бәйрәм бәйгесе: җигүле бизәлгән атлар арасында һәм төрле конкурслар.
VII. Кече сәхнәләрдә (11.00-17.00)
Үзешчән сәнгать осталары, сәнгать мәктәбе укучылары, вокаль-инструменталь ансамбле, балалар бакчалары учреждениеләре чыгышлары.
VIII. Аттракционнар: балалар өчен уен мәйданчыгы, җигүле атларда йөрү, электромобильгә утырып йөрү, батут, тир һ.б.
IX. Төрле сәүдә нокталары, кафе, бәйрәмгә багышланган сувенирлар һәм сәнәгать товарлары.
Сабантуй мәйданына рәхим итегез!
Сабантуйлары мөбарәк булсын,
хөрмәтле милләттәшләр!