“Куркынычсыз тәгәрмәч – 2015”

“Куркынычсыз тәгәрмәч – 2015”
Арчаның бишенче гимназиясендә “Куркынычсыз тәгәрмәч – 2015” чарасы үткәрелде.
– Бу бәйге 1993 елдан бирле оештырылып килә, – диде ЮХИДИ идарәсенең Арча бүлекчәсе җитәкчесе Илдар Нотфуллин. – Без аны, гадәттә, җәйге каникуллар алдыннан үткәрәбез. Бу балаларга юл хәрәкәте кагыйдәләрен тагын бер кат исләренә төшерү, эне-сеңелләренә, апа-абыйларына, хәтта әти-әниләренә җиткерү, җәйге чорда юлларда саклану өчен кирәк. Каникул вакытларында балалар велосипедта күп йөри. Ике тәгәрмәчле, беренче карашка бернинди авырлыгы булмаган транспорт чарасы белән юлда идарә иткәндә дә нәкъ машина йөрткәндәге кебек юл хәрәкәте кагыйдәләрен төгәл үтәргә кирәк.
Бу көнне балалар юл хәрәкәте кагыйдәләре буенча компьютерда тест та үттеләр, беренче медицина ярдәме, мәҗбүри иминият (ОСАГО) буенча сорау- ларга җаваплар да бирделәр, велосипедта төрле каршылыкларны да җиңделәр, юл билгеләрен, борылышларны, җәяүлеләр өчен юл аркылы чыгу урыннарын исәпкә алып, “тимер юлы”, светофоры булган махсус мәйданчыкта да йөрделәр.
– Бу чараны ЮХИДИ идарәсенең Арча бүлекчәсе безнең белән берлектә үткәрә, – ди район мәгариф идарәсе җитәкчесе Зөлфәт Дәүләтбаев. – Бик кирәкле әйбер. Балаларга юл хәрәкәте кагыйдәләрен тагын бер кат исләренә төшерү өчен әйбәт ул. Җиңүче команда Чаллыга республика ярышына барды.
Гөлсинә Зәкиева