Арча муниципаль районы авыл хуҗалыгы предприятиеләре, авыл хуҗалыгы тармагы хезмәтчәннәренең 2015 елның беренче яртыеллыгындагы эш йомгаклары һәм 2015 елның язгы кыр эшләре нәтиҗәләре буенча бүләкләү турында

Арча муниципаль районы авыл хуҗалыгы предприятиеләре, авыл хуҗалыгы тармагы хезмәтчәннәренең 2015 елның беренче яртыеллыгындагы эш йомгаклары һәм 2015 елның язгы кыр эшләре нәтиҗәләре буенча бүләкләү турында
2 июнь 2015 ел №569
Авыл хуҗалыгы предприятиеләренең 2015 елның беренче яртыеллыгындагы һәм 2015 елның язгы кыр эшләре күрсәткечләрен карап, агросәнәгать комплексы предприятиеләре һәм хезмәткәрләре эшчәнлеген стимуллаштыру максатларында карар бирәм:
1. Язгы кыр эшләрен үткәрүдә иң яхшы күрсәткечләргә ирешкән өчен “Сабан батыры – 2015” исемен һәм түбәндәге урыннарны бирергә:
– 1 урын – Рәхимов Данил Камил улына – “Кырлай” агрофирмасы” ширкәте механизаторы (3320 эт/га башкарган);
– 2 урын – Шәвәлиев Әхтәм Миңлемулла улына – “Ватан” агрофирмасы” ширкәте механизаторы (2906 эт/га);
– 3 урын – Вәлиуллин Фәнис Илдус улына – “Северный” агрофирмасы” ширкәте механизаторы (2845 эт/га).
2. Авыл хуҗалыгы белгечләрен иң яхшылар дип танырга һәм “Үз һөнәренең остасы” дигән исем бирергә:
– Әхмәдуллин Алмаз Таһир улына – “Курса МТСы” ширкәте механизаторы (429,2 эт/га башкарган);
– Зиатдинов Габделфәрит Габдрәшит улына – “Татарстан” агрофирмасы” ширкәте механизаторы (930,9 эт/га);
– Абдрахманов Илнур Фәрит улына – “Игенче” агрофирмасы” ширкәте комбайнчысы (32143 центнер суктырган);
– Шакиров Рәис Мәҗит улына – “Агрохимия” ширкәте шоферы (569368 т/км башкарган);
– Галимбәкова Гөлсөя Минҗан кызына – “Ак барс” агрокомплексы” ширкәтенең орлыкландыру буенча белгече;
– Габдрахманова Айсылу Навил кызына – “Мәрҗани” ширкәте сыер савучысы;
– Вәлиева Флера Рәшит кызына – “Тукай” ширкәте сыер савучысы.
3. 2015 елгы сабан батырларын һәм иң яхшы белгечләрне Дипломнар һәм акчалата премия белән бүләкләргә. Бүләкләүне милли бәйрәм Сабантуйда социаль–мәдәни программалар үткәрү буенча фонд исәбенә башкарырга.
4. Әлеге карарның үтәлешенә контрольне килешү буенча А.М.Габбасовка йөкләргә.
Район башкарма комитеты җитәкчесе И.Г.Нуриев