Алар – беренче
2015 елның 10 июне, чәршәмбе
Арча педагогика көллияте студентлары көллият тарихында әледән–әле яулаган уңышлары белән якты эз калдыра. Ел саен дистәләгән кубок дәлилли аларның уңышын. Алар көллият залындагы стенада үз урынын ала.
Шушы көннәрдә генә көллият студентлары, Татарстанның урта махсус һөнәри уку йортлары студентлары арасында II җәйге спартакиада ярыш- ларында яхшы күрсәткечләргә ирешеп, җиңү яулап кайттылар.
Ярышларда 89 уку йорты 14 спорт төре буенча көч сынашты. Ике этапка: көзге–кышкы, язгы–җәйгегә бүленеп уздырылган ярышлардагы беренче этапта көллият командасы беренче урын яулаган иде. Спартакиаданың йомгаклау өлешенә командалар ныклы әзерлек белән барды һәм зона ярышларында уңышлы чыгыш ясап, финал ярышларында 6 команда катнашты.
Авыл җирлегендәге 32 урта махсус һөнәри уку йортлары арасында Арча педагогика көллияте спортчылары җиңел атлетика, баскетбол (кызлар һәм егетләр), көрәш буенча беренче, волейбол (кызлар) һәм йөзү буенча икенче урын яулады.
“Бу күрсәткечләр спартакиаданың язгы–җәйге этабында һәм, гомумән, спартакиада буенча Арча педагогика көллиятенә җиңү китерде. Спортчыларны ярышларга укытучылар Әмир Вагыйзов, Мөдәрис Гарипов, Рамил Гыйлаҗиев, Бари Бакиров һәм тренерлар Зиннур Сәгыйтов, Фәнис Зарипов әзерләде”, — ди көллиятнең физик тәрбия укытучысы Бари Бакиров.
Көллият командаларына һәм спортчыларга Татарстан Мәгариф һәм фән министрлыгы бүләкләре һәм көллияткә спорт җиһазлары алу өчен 100 мең сумлык сертификат тапшырылды.
Розалия ЗИННӘТОВА
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз