Үзара салым акчасы кая китә?

Үзара салым акчасы кая китә?
Без бу сорауны авыл җирлекләре башлыкларына бирәбез. Чөнки инде 2015 елның яртысы үтеп бара, кешеләр 2014 ел өчен җыелган акчабыз кайда дип кызыксына.
– Безнең җирлеккә 7 авыл керә, – ди Шушмабаш авыл җирлеге башлыгы Вәзир Сәгыйтов. – 2014 ел өчен халыктан барысы 140300 сум акча җыелды, дәүләт аны дүрт тапкыр арттырып, 561200 сум субсидия биргәч, барлык акча 701500 сумга җыйналды.
Әлеге акчаның 100 мең сумы Ишнарат авылында 5нче электр линиясе сузуга, барлык авылларда урам утларын ремонтлауга тотылды.
Авыл урамнарына салу өчен вак таш алырга Балтач оешмасына 276250 сум күчердек. Аны “Северный” ширкәте ярдәмендә ташырга уйлыйбыз. Һәр авылга күпмедер өлеш чыгачак.
Һәр авылның зиратына кирәк–ярак алдык, Сәрдәбаш зиратына сарай төзелде.
“Северный” ширкәте көче белән 3 чүплек чис- тартылды, 7 авылдагы чүплекләр тәртипкә китерелде. Моның өчен 75 мең сумга якын акча түләнде.
Акча санаганны ярата, диләр. Шушмабаш авылында 2014 ел өчен җыелган үзара салым акчасының тотылышы түбәндәгечә:
Барлык җыелган акча (сумнарда) – 140300.
Дәүләт субсидиясе – 561200.
Гомуми сумма – 701500.
Чыгымнар:
Урам утлары ремонты –100000.
Урамнарга салу өчен 425 тонна вак таш – 276250.
Зиратларга стендлар ясау –26470.
2 бензин пычкысы – 29940.
Сәрдәбаш зиратында өйчек төзү өчен профнастил – 12560.
7 авыл зираты өчен калай – 6030.
7 авылда каты көнкүреш калдыклары җыю һәм чыгару (“Северный” ширкәтенә) – 33501,20.
7 авылда көнкүреш калдыкларын тыгызлаган өчен бульдозер хезмәтенә – 41498,80.
7 авылга мотопомпалар һәм җиңсәләр алу – 99683,50.
Чишмәләр өчен 40 боҗра – 33000.
Чишмәләр өчен торбалар, профнастил, саморезлар – 29608.
Хуҗалык товарлары (10 банка буяу, 2 данә “Малыш” насосы, 25 метр шланг, 3 чиләк, 6 капчык цемент, 20 данә круг) – 12958,50.
Барысы – 701500 сум.
Ильяс Фәттахов