Янгын сүндерүче булу җиңелме?
2015 елның 19 июне, җомга
Читтән караганда, кеше эше шундый ансат булып күренә. Үзең тотынып эшли башласаң, бер күнегеп киткәнче җиде кат тиреңне түгәргә туры килә.
Янгын сүндерүчеләргә карата да кайчак халык авызыннан канәгатьсезлек сүзләре ишетергә туры килә: тиз килеп җитә аламыни алар яки килделәр дә, аз гына сиптерүгә, сулары бетте һ.б. Ләкин һәр хезмәтнең үз хикмәте. Янгын сүндерү машинасындагы су берничә минутта сибелеп бетә икән бит, аннан тагын су тутырырга кирәк. Ә тиз килү дигәннән, янгынның янгын частеннән нинди ераклыкта булуы, әлбәттә, мөһим роль уйный. Юкса, алар, хәбәр алуга, секундлар эчендә киенеп чыгып китә. Ә ул тиз киенүнең һәм ул авыр (билләренә бәйләнгән балта белән санаганда 30 килога җыела икән!), җайсыз киемнәр белән янгын сүндерүнең ни икәнлеген янгын сүндерүчеләр үзләре генә беләдер. Һәрхәлдә, безгә, каләм ияләренә, шулай тоелды. Чөнки шушы көннәрдә безгә дә бераз гына булса да янгын сүндерүче булып үзебезне башка һөнәрдә сынап карарга туры килде. “ТАТМЕДИА” җәмгыятенең ТР Гадәттән тыш хәлләр министрлыгы белән берлектә оештырган “Квест “МЧС шәһәре” ярыш- ларында “Арча хәбәрләре” газетасы командасы да катнашты. Гел хезмәт вакытында янгын сүндерүчеләрнең эше турында язарга күнеккән хәбәрчеләрне ул көнне янгын сүндерүчеләр үзләре күзәтте.
Бу көнне без, чын мәгънәсендә, янгын сүндерүчеләр вазыйфасын башкардык һәм аларның нинди авыр сынаулар аша узуына төшендек. Тиз арада янгын хакында хәбәр җиткерелде, коткаручылар өстендә күреп ияләнгән киемгә кереп “чумуны” санаулы секундлар хәл итте, янып торган манекенны махсус тукыма, ә ачык утны янгын сүндергеч ярдәмендә сүндерә алдык. Янгын сүндерү машинасына шлангны ялгап, 5 метр арадан тәгаен басымга ия булган су сиптерү эшен дә ышанып тапшырдылар.
Саубуллашканда үзләрен башка һөнәрдә сынап караган иҗат әһелләренең телендә дә, күңелендә дә бер теләк булды – өйрәнүләрне берүк тормышта кулланырга туры килмәсен, янгын сүндерүчеләр белән иҗат әһелләренә шундый күңелле шартларда гына очрашырга язсын. Ә аларга, хезмәтләрендә сабырлык, көч, тырышлык, җитезлек телибез.
Розалия Сафина
Бүлешү:
СОҢГЫ ЯҢАЛЫКЛАР
29
май, 2026 ел
2026 елның 30 маенда төнлә һәм иртән Татарстан Республикасы территориясендә һәм Казанда урыны белән томан көтелә.
Россия гадәттән тыш хәлләр министрлыгының Татарстан Республикасы буенча Баш идарәсе тәкъдим итә:
Томан вакытында:
Әгәр сез табигатьтә томан куерганын күрсәгез, урманда яки сулыкларда ориентацияне югалтмас өчен чаралар күрергә кирәк.Томан юл хәрәкәтендә катнашучыларның барысына да куркыныч тудыра. Томан эчендә автомобильдә хәрәкәт иткәндә артык үзгәртеп корулардан, узып китүләрдән, алдан җибәрүләрдән баш тартырга кирәк.Күпчелек юл-транспорт һәлакәтләре томан шартларында алда хәрәкәт итүче транспорт чарасы белән була. Томанның ераклыкны урлавын исәпкә алу мөһим - гадәти дистанцияне арттыру,тизлекне киметү максатка ярашлы.
Кискен тормозлаулардан сакланырга кирәк: туктарга кирәк булганда тизлекне салмак кына киметергә кирәк. Тормоз педаленә берничә тапкыр басарга кирәк, шуның белән сезнең арттан хәрәкәт итүче автомобиль йөртүчеләрне кисәтә торган сигнал бирергә кирәк. Томан эчендә хәрәкәт иткәндә машина йөртүчеләрнең аруы арта, саклык артык булмаячак.
26
май, 2026 ел
2026 елның 27 маенда Татарстан Республикасы территориясендә урыны белән көтелә:
төнлә һәм иртән томан;
- төнлә һәм көндез көчле яңгыр (Казанда-төнлә), яшен һәм кыска вакытлы җилнең көчәюе 15-20 м/с.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Яшен вакытында:
Әгәр дә Сез велосипедта яки мотоциклда булганда яшенле яңгыр белән очрашсагыз, һичшиксез хәрәкәтегезне туктатыгыз һәм яшенне үзегезнең транспорт чарасыннан якынча 30 метр ераклыкта көтегез. Сәфәрне автомобильдә дәвам итәргә кирәкми, чөнки электроника эшендә хокук бозулар да кире кагылмый. Туктарга, машинаның тәрәзәләрен ябарга һәм бәхетсезлекне көтәргә кирәк.
Яшенле яңгыр вакытында сез ачык урында булсагыз, мөмкин булганча түбәнлектә җиргә (комлы яки ташлы грунтка) ятарга киңәш ителә. Сезнең янда елга, күл яки буа булмавы мөһим, чөнки су – яхшы үткәргеч, ә яшен сугуы сулыктан 100 метр радиуста тарала.
Машина йөртүчеләргә юлда бик игътибарлы булырга кирәк.
Җәяүлеләргә автотрассалар аша чыкканда һәм алар янында булганда сак булырга кирәк.
Мөмкин булса, ерак араларга йөрүдән баш тартыгыз.
22
май, 2026 ел
Халыкара балаларны яклау көне алдыннан Федераль суд приставлары хезмәте 2026 елның 20 маеннан 1 июненә кадәр «суд приставлары – балаларга»Бөтенроссия мәгълүмат акциясе уздыра. Чаралар илнең барлык төбәкләрендә, шул исәптән Татарстан Республикасы территориясендә уза. Акциянең төп максаты-алимент түләүләрен түләтүнең нәтиҗәлелеген арттыру, балигъ булмаган балаларның хокукларын торгызу һәм җәмгыятьнең игътибарын ата-ана бурычларына җаваплы мөнәсәбәт мәсьәләләренә җәлеп итү.
Федераль суд приставлары хезмәтенең Татарстан Республикасы буенча Баш идарәсендә алимент түләтү мәсьәләләренә аерым игътибар бирелә. Суд приставларының системалы эшләве нәтиҗәсендә ел саен алимент түләүләре суммасы арту тенденциясе саклана.
21
май, 2026 ел
27 май Россия Почтасының республикадагы күпчелек бүлекчәләре өчен ял көне булачак. Маркетплейслардан заказлар бирү буенча хезмәт күрсәтүче почта бүлекчәләре гадәти режимда эшләячәк.
26 майда почта бүлекчәләренең эш көне бер сәгатькә кыскара.
Бәйрәм көнендә хат ташучылар почта җибәрүләрен һәм вакытлы матбугат басмаларын таратмаячак. Пенсия һәм пособиеләрне алар Россия Социаль фондының төбәк бүлеге белән килештерелгән график буенча китерәчәкләр.
Кайбер почта бүлекчәләре башка график буенча эшли ала. Актуаль эш расписаниесен ачыкларга яки картада якындагы ачык бүлекне табарга мөмкин сайтта pochta.ru яки компаниянең мобиль кушымтасында.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз