Ялгыз кунарга курыксаң

Ялгыз кунарга курыксаң
Әле беркөнне генә танышым туганының ялгыз яшәргә курыкканын сөйләп торды. Бүген ведомстводан тыш саклау бүлегенең сак үзәге пункты дежурные Илдар Беляев белән сөйләшкәч, теге әби искә төште. Полицияне ашыгыч чакыру кнопкасы ялгызларга әйбәт икән бит, дип уйлап куйдым. Коткару очраклары бармы икән?
— Быел Арчадагы зур кибетләрнең берсендә аракы урлаучыларны кибетченең полицияне ашыгыч чакыру кнопкасы буенча тоттык. Шулай итеп, кибеткә зыян килми калды, — дип сөйләде Илдар Беляев. — Районда барысы 287 объект, 111 йорт һәм фатир саклана. Сигнализация куелган объектларның диварына бу турыда язылып та куелган. Хәзер сигнализация куелган объектларга караклар керми. Беләләр сак бригадасы килеп җитәсен.
— Әле беркөнне генә зур кибетләрнең берсендә төнлә бер–бер артлы сигнализация кычкырып торды, сак бригадасы да әллә ничә тапкыр чабып килеп җитте. Ул–бу булмагандыр бит?
— Юк, караклар эше булмады ул. Сәбәбе башкада иде.
— Сигнализация каракларны тотарга гына булышамы, әллә янгын чыккан очракта да хәбәр итәме?
— Төтенне тоючы сигнализация дә урнаштырабыз.
— Йортны буш калдырып, ял итәргә китүчеләргә ни диярсез?
— Берьюлы шундый очрак булды. Бер гаилә кыш көне ял итәргә китте. Ярый әле йортлары безгә сакка куелган иде. Газ миче сүнеп, салкыннан батареялары шартлаган. Безгә сигнал килде. Бардык, эчкә үтеп кердек. Җылылык торбаларын рәтләп, мичләрен җибәрдек. Шулай итеп, бу гаиләгә зур зыян килми калды.
— Җылылык торбасы шартлаганны сигнализация ничек сизеп алган?
— Шартлау тавышы чык-кан, сигнализация шуны сизгән.
Сак әйбәт нәрсә. Биг-рәк тә байлыгың булса. Йортны буш калдырып, ял итәргә китүчеләргә дә, төнлә куркучы ялгызларга да ышанычлы ярдәм бу. Карак керә калса, полицияне чакыр-ту ысуллары әллә ничә төрле икән — шуңа исем китте.
Румия Саттарова