Остазыбыз иде
2015 елның 10 июле, җомга
Арча педагогия көллиятенең даны еракларга таралган, анда белем алган меңләгән укытучылар бүген дә үзләренең остазларын зур хөрмәт белән искә ала. Алар арасында безнең яраткан коллегабыз Венера Шәмиева да бар.
Ләкин көтмәгәндә аяусыз үлем Татарстан Республикасының атказанган укытучысы, халык мәгарифе отличнигы, бөтен гомерен яшь буынны тәрбияләүгә биргән укытучылар Укытучысы Венера Габделхаковнаны арабыздан алып китте.
1955 елның 1 сентябрендә яшь, чибәр, энергияле кыз, педучилищены тәмамлап, Урта Пошалым мәктәбенә башлангыч сыйныф укытучысы булып килә, анда аны бүген дә хөрмәт белән искә алалар. 2 елдан соң Казан дәүләт университетының рус филологиясе факультетына укырга керә һәм 1962 елда яшь белгечне Минзәлә педагогия училищесына рус теле һәм әдәбияты укытучысы итеп билгелиләр.
Арча педагогия училищесында хезмәт биографиясен Венера Габделхаковна 1963 елда башлый һәм лаеклы ялга чыкканчы әлеге уку йортына хезмәт итә, аннан аерылмый. Күп еллар рус теле укытучыларының методик берләшмәсен җитәкли, күпме яшь укытучыларны эшкә өйрәтә. Мин үзем дә аны остазым дип саныйм. Педагогия институтын тәмамлап кына кайткач, Венера Габделхаковна методика серләренә төшендерде, акыллы киңәшләрен бирде.
Венера Габделхаковна — күп санлы укыту планнары, программалар төзегән, төрле методик мәкаләләре “Начальная школа”, “Совет мәктәбе” журналларында бастырылган кеше. Аның эш тәҗрибәсен өйрәнергә республика гына түгел, Россия буенча педагогия училищеларыннан киләләр иде, аның ачык дәресләре — укытучының үз һөнәренең чын остасы икәненә дәлил.
Венера Габделхаковнаның гаиләсе дә күпләргә үрнәк. Татарстан Республикасының атказанган физик культура хезмәткәре, мәгариф отличнигы Шәмиев Ягъфәр Зиатдинович белән 2 кыз үстереп, олы юлга чыгардылар. Олы кызлары Гөлнара — табибә, ә Диләрә әти–әниләренең юлын сайлады. Күптән түгел бу гаиләнең алтын туйларын район күләмендә билгеләп үттеләр. Шушы матур чарада көллиятебез директоры Гөлнара Фидаилевна, юбилярның туганнары, күршеләр, дуслары катнашып, изге теләкләрен җиткерделәр.
Гомерләр озын, гомерләр кыска. Бүген без Венера Габделхаковна турында иде дип сөйләшәбез... Ләкин аның акыллы киңәшләре, төпле фикере, эрудициясе, якты күңеле безнең йөрәкләрдә мәңге сакланыр. Аның якыннарының авыр кайгысын уртаклашабыз, аларга сабырлык телибез.
Наилә Галимуллина,
Арча педагогика көллиятенең
рус теле укытучысы
Бүлешү:
СОҢГЫ ЯҢАЛЫКЛАР
8
май, 2026 ел
9 майда Татарстан Республикасы территориясендә һәм Казанда урыны белән секундына 15-18 метр тизлектәге көчле җил көтелә.
Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә:
Җил көчәйгәндә:
1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим.
2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла.
3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк
4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.
5. Көчле җил вакытында электр тапшыру линиясе астында тору һәм өзелгән электр үткәргечләренә якын килү куркыныч.
Арчаның Казансу паркында йога белән шөгыльләнүче ике яшь кызга игътибар итми калмый мөмкин түгел иде. Чөнки хәрәкәтләре, онытылып тынычлыкта калулары кызыклы һәм бик матур күренеш
Румия Надршина
Яннарына бардым. Сөйләшеп киттек. Бик ачыклар булып чыктылар.
Диләрә Гыйльманова Казан медицина университетын тәмамлаган, бүген психиатрга ординатурада укый. Арчаның 1нче мәктәбен тәмамлаган. Камилә Минһаҗева шулай ук Арча кызы. Казан культура институтын тәмамлаган, бүген бала белән декретта.
– Мин йога белән 8 ел шөгыльләнәм инде, – ди Диләрә. – Менә туганым Камиләне дә йогага тарттым. Икебез бик рәхәтләнеп паркта табигатьтә йога белән шөгыльләнәбез.
Сергей Рысаев, Рамил Әскәров, Айнур Хәйретдинов истәлегенә волейбол турниры.
Афәрин, айваннар, үзенекеләрне онытмыйлар, искә алалар. “Авылдашлар” төркеменә “Сергей Рысаев, Рамил Әскәров, Айнур Хәйретдинов истәлегенә волейбол турниры үткәрәбез. Рәхим итегез!”, – дип язып элделәр. Турнир Айван мәдәният йорты залында үтте.
Ярышта Айван авылыннан өч команда – ветераннар, “Яшьләр-1”, “Яшьләр-2” һәм “Арча“ спорт мәктәбе, район үзәк хастаханәсе, Казан командалары катнашты. Казаннан элек Айван мәктәбендә эшләгән Сергей Рысаевның хезмәттәше, Айнур Хәйретдинов һәм Рамил Әскәровның укытучысы Фәнис Абдуллин бер төркем волейболчылар белән кайтты. Судья да Казаннан кайтты – Халит Халиков.
Район мәгариф идарәсе җитәкчесе Нияз Муллахмәтов, район яшьләр эшләре, спорт һәм туризм бүлеге җитәкчесе Фәнил Һидиятуллин заманында мәктәптә волейбол секциясе алып барган педагог Сергей Рысаевны, аның укучылары – волейболчылар Рамил Әскәров, Айнур Хәйретдиновны хөрмәт белән искә алдылар, ярышта катнашучыларга уңышлар теләделәр.
Район мәгариф хезмәткәрләренең профсоюз оешмасы “Сәламәтлек” спартакиадасы кысаларында спорт ярышларын оештырып тора.
Башта ярышлар зоналарда булды, аннан җиңүчеләр Арчада ярыштылар. Афәрин, тырышып уйнадылар.
Нәтиҗәләр:
1. Арчаның 6нчы хатын-кызлар командасы;
2. Арчаның 11нче балалар бакчасы;
3. Арчаның 9нчы балалар бакчасы.
ЯҢАЛЫКЛАРГА ЯЗЫЛУ
Телефон:
(84366) 3-14-33, 3-11-33
Факс: (84366) 3-01-33
E-Mail: archa@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз