БЕЗНЕҢ ЗАМАН ГЕРОЕ

БЕЗНЕҢ ЗАМАН ГЕРОЕ
Сеҗедәге балаларның “Шатлык” лагеренда “Бердәм Россия” Яшь Гвардия” җәмәгать оешмасының “Безнең заман герое” дигән ватанпәрвәрлек рухындагы яңа проектын тәкъдир итү булды.
Бу проект 2013 елда старт алды. Проектның максаты – тормыштагы бүгенге батырлыкны күреп алу һәм аны күрсәтә белү, заманча шартларда аны ничек эшләп булуы хакында сөйләшү һәм геройлар белән очрашуны оештыру. “Бердәм Россия” Яшь Гвардия” штабы җитәкчесе Лия Ильина балалар белән кызыклы сөйләшү алып барды. Чыннан да, тормышта батырлык очраклары бармы? Аны ничек эшләп була? Әлбәттә, һәркемнең геройлар турында үзенең күзаллавы бар. Балалар шул турыда сөйләделәр. Ә иң кызыгы шунда, сиңа кунакка чын геройлар үзләре килә.
Безнең героебыз Арчада яши. Дөрес, ул рекордлар китабына кермәгән, кемнеңдер тормышын да саклап калмаган. Ә кем соң ул? Балалар янына кунакка Фәрит Минхәеров килде. Туризм буенча күп тапкырлар Бөтенросия, республика чемпионы булган, Татарстанның атказанган физик тәрбия хезмәткәре, Россиянең халык мәгарифе отличнигы, балалар-яшүсмерләрнең туризмы һәм туган як Академиясе профессоры, Россиянең туризм буенча спорт мастерлыгына кандидат белән очрашуы балаларга да кызыклы иде. Фәрит Фәтхиевичның бүләкләрен санап чыга башласаң – алар күп. Ул җиңүләргә нинди зур тырышлык белән ирешкәне турында сөйләде, туризм буенча 20дән артык спорт остасы һәм кандидатлар әзерләвен әйтте. Аның җитәкчелегендәге атучылар командасы вак калибрлы һәм пневматик мылтыктан ату буенча 8 тапкыр Татарстан чемпио- ны булган. Бу җиңүләр Фәрит Фәтхиевичның зур тырышлыгы бәрабәренә ирешелгән. Авыртып, урын өстенә ятса да, ул чирне җиңә һәм мөмкинлекләре чикләнгән балалар белән эшли башлый. Укучылар сараенда яшьләр бочче белән шөгыльләнә. Бочче коляскадагы инвалидлар өчен яңа спорт төре. Яшьләр ике генә ел шөгыльләнсә дә, алар инде җиңүләргә ирешә. Кешеләргә булышырга әзер торучы Фәрит Фәтхиевич “Иганәче – 2013” республика конкурсында Дипломант булды. “Ел хатын-кызы. Хатын-кыз карашыннан ел ир-егете – 2015” респуб- лика конкурсында “Ир-егет – шәфкатьле йөрәк” номинациясендә җиңеп чыкты.
Балаларга кызыклы шәхес белән аралашуы истәлекле булды. Фәрит Фәтхиевич үзе язган шигырьләрен дә укып күрсәтте. Балаларның гаҗәп- ләнүләренең чик-чамасы булмады. Безнең арабызда әнә шундый кызыклы, безнең заман героена тиң кешеләр яши.
Р. Гарифҗанова