РӨСТӘМ МИҢНЕХАНОВ: АРЧА РАЙОНЫ ҮСЕШТӘ

РӨСТӘМ МИҢНЕХАНОВ:
АРЧА РАЙОНЫ ҮСЕШТӘ
Татарстан Республикасы Президенты вазыйфаларын вакытлыча башкаручы Рөстәм Миңнеханов 30 июльдә Арча районында булды. Аны район җитәкчесе Илшат Нуриев каршы алды һәм озатып йөрде.
Рөстәм Миңнеханов башта вертолетта район басуларында урак барышын үзе карап чыкты, аннан соң “Ак барс” агрокомплексы” ширкәтенең урып–җыю эшләре барган иген басуында хуҗалык- лар җитәкчеләре, авыл җирлекләре башлыклары белән очрашты.
Муниципаль район җитәкчесе Илшат Нуриев урып–җыюның барышы, райондагы төзелешләр, республика президент программаларының үтә- леше белән таныштырды. Район басуларында быел 55 мең гектарда игеннәрне урып–җыярга кирәк. Урып–җыю эшләре тулы көчкә кереп бара. “Ак барс” агрокомплексы”, “Курса МТСы”, “Кырлай”, “Игенче”, “Ватан”, “Северный” һ.б. хуҗалык- ларда мул уңыш көтелә. Район игенчеләре үз алларында торган бурычны үтәп чыгарга әзер.
Ул барлык өлкәләрдә күрсәткән ярдәме, кайгыртучанлыгы өчен Рөстәм Миңнехановка рәхмәт әйтте.
— Арча районы үсештә, уңай якка үзгәрешләр күп, иген басуларыгыз матур күренә. Үстергәнне югалтмыйча җыйнап алырга кирәк, — диде Рөстәм Миңнеханов.
Татарстан Республикасы Премьер–министры урынбасары, авыл хуҗалыгы һәм азык–төлек министры Марат Әхмәтов Арча районының игенчелектә дә, терлекчелектә дә уңышлы эшләп килүен әйтте. Элеккеге “Вамин” хуҗалыклары гына калыша, алар да тырышлыкны арттырса, районның күрсәткечләре күпкә югары менәчәк.
— Контрольгә алырга кирәк, — диде Рөстәм Миңнеханов.
Республика җитәкчесе арчалыларга алдагы эшләрендә уңышлар теләде.
Ильяс Фәттахов