Оешканлык хәл итә

Оешканлык хәл итә
Яңгырлы көннәр вакытның кадерен белергә кирәклеге турында искәртмә. Быелгы урак гаять катлаулы булачак, синоптиклар ай буена шундый һава торышы вәгъдә итә. Гадәттәгечә ялгышып куйсалар ярый да...
4 августка район буенча 52677 гектар мәйдандагы игеннәрнең 5811 гектары (11 процент) җыйнап алынды.
Урып-җыю эшләре “Ватан” ширкәтендә оешканлык белән бара. Бу хуҗалыкта 18 проценттан артык мәйданнар суктырылды. “Татарстан”да – 17,5 процент. “Акчишмә”, “Ак барс” агрокомплексы”, “Кырлай” ширкәтләрендә дә өлгерлек күрсәтәләр.
3 августта басуларда 97 комбайн эшләде. “Ак барс” агрокомплексы”, “Мәрҗани” ширкәтләрендә – 14әр , “Татарстан” хуҗалыгында 9 комбайн суктырды.
Суктырылган мәйданнарның 4966 гектары — арыш, 404 гектары — көзге бодай, 441 гектары — борчак. “Мәрҗани” ширкәте — 307, “Ватан” ширкәте 100 гектарда борчак суктырды.
“Мәрҗани” ширкәтендә борчакны турыдан туры да суктырып алдылар.
Район буенча бер гектардан уртача уңыш — 26,5 центнер. Арыштан — 26,8, көзге бодайдан — 36,4, борчактан 15,1 центнер чыкты. Иң югары уңыш “Кырлай” һәм “Ак барс” агрокомплексы” ширкәтләрендә — 39 центнер.
“Мәрҗани”, “Арча”, “Акчишмә” ширкәтләрендә гектардан 16–18 центнер чыга.
Көзге чәчү өчен барысы 9790 гектар (план 25000 гектар) җир әзерләнгән. “Татарстан” ширкәтендә — 1730, “Ак барс” агрокомплексы”нда — 1500, “Ватан”да 1100 гектар җир чәчү өчен әзер.
Ильяс Сәхәпов