Яңа технологияләр кулланып

Яңа технологияләр кулланып
Арча мәгариф идарәсендә “Белем бирү процессында инновацион технологияләрне практикада куллану. 3D технологияләр һәм робот техникасы” дигән фәнни–техник конференция үтте.
Махсус чакырылган кунаклар–“Инновации Решения Технологии” ширкәте (АВS3D төркеме) генераль директоры Руслан Ханус- таранов һәм Казан милли технология университеты (Казан авиация институты) Балалар инженерлык үзәге җитәкчесе Ярослав Кончаков чыгыш ясады.
Очрашуда мәктәп һәм урта уку йортлары директорларына инновацион технология–3D принтер, 3D сканер, аларны Россия мәктәпләрендә һәм югары уку йортларында куллану буенча видеоязма күрсәтелде. Укучылар һәм студентлар белән инновацион технологияләр һәм робот техникасы кулланып эшләү үрнәкләренә аеруча игътибар бирелде.
Әлеге мәгълүматлар һәм җиһазлар конференциядә катнашучыларда кызыксыну уятты, фикер алышулар тудырды. Укучыларны эшче һәм инженерлык һөнәрләренә өйрәтү өлкәсендә проб- лемалар һәм бурычлар, конструкторлаштыру, инженерия, модельләштерү тәҗрибәләрен һәм күнекмәләрен тапшыру буенча да фикер алыштылар. Уртак максат–яшь буынга һөнәр сайлауда ярдәм итү, эшче күнекмәләрен бирү. Билгеле, биредә төп роль остазлар һәм педагогларга бирелә.
Соңыннан очрашу нәтиҗәләре буенча һөнәр сайлаганда аерым юнәлеш- ләр буенча аеруча кызыксынган укучыларны сайлап алу, аларның нәрсә белән кызыксынуларын билгеләү буенча бурычлар билгеләнде. Татарстан Республикасының әйдәп баручы югары уку йортларына, һөнәри әзерлек үзәкләренә, инженерлык, конструкторлык һәм инновацион оешма, предприятиеләренә профильле экскурсияләр оештыру, осталык сыйныфлары үткәрү күздә тотыла. Бу юнәлештә әзерлекне күтәрү урта һөнәри уку йортлары укытучыларының да кызыксынуын арттырды.