Иҗади эшли

Иҗади эшли
В.Ежков исемендәге беренче квалификация категорияле инглиз теле укытучысы Лариса Брунько “Безнең иң яхшы укытучы” грантын 2011, 2012, 2013 елларда отты, 2012 елда “Алгарыш” гранты иясе дә булды.
Укытучының бәхете–укучыларның уңышында. Әмма укучылар уңышка ирешсен өчен укытучыга зур көч куярга, үз фәнен чын күңелдән яратырга, балаларда да аңа карата мәхәббәт тәрбияли алыр- га кирәк.
Лариса Бруньконың укучылары төрле фәнни–практик конференцияләрдә актив катнаша, олимпиадаларда, бәйгеләрдә җиңүләр яулый.
– Минем укучыларым “Без инглизча сөйләшәбез” республика бәйгесендә уңышка ирештеләр. Шулай ук өлкән сыйныф укучылары FLEX программасы җиңүчеләре буларак, ел дәвамында Америкада белем алу мөмкинлеге алдылар, – ди Лариса Брунько.
Укытучы үзе Арчага 2005 елда Казан педагогика институтын тәмамлаганнан соң кайта. 10 ел инде ул Арчаның беренче урта мәктәбендә инглиз теле укыта. Остазы Эльмира Сафина ярдәме белән ул бик тиз мәктәп тормышына кереп китә, коллективта үз кешегә әверелә.
– Балаларга заман таләпләре нигезендә белем бирү өчен һөнәри осталыкны күтәрү өчен даими эшләргә кирәк, – ди Л.Брунько.
Шуны күздә тотып ул 2012 елда Бөекбританиядә, Манчестер шәһәрендә EF Халыкара тел мәктәбендә стажировка үтә.
2015 елда «Мәгариф» өстенлекле илкүләм проектында катнашып, Лариса Брунько 31 мең сум премия белән бүләкләнде.