Мәчет акчасын урлаган

Мәчет акчасын урлаган
Арча район суды РФ Җинаять кодексының 158нче маддәсенең 1нче өлеше, 158нче маддәсенең 2 нче өлешенең “б” пунк- тында каралган җинаять эшләүдә гаепләнгән 44 яшьлек Ирек Гарифуллинга кагылышлы җинаять эшен карады. Ул чит кеше милкен, шул исәптән мәчеттә урнаштырылган тартмадан акча урлауда гаепле дип табылды.
Җинаять эшеннән күренгәнчә, Ирек Гарифуллин 17 июльдән 18 июльгә каршы төндә исерек хәлдә Арчадагы мәчетләрнең берсенә акча урларга дип килә. Ул мәчеткә кергәндә куелган тартмада кешеләр салган шактый гына акча барлыгын белгән. Тартманың йозагын ватып 7 мең сумнан артык акча урлый бу. Әмма икеләтә сакланышы булган тартмадагы барлык акчаны урлап бетерә алмый. Ә алганын үз ихтыя- җына, нигездә спиртлы эчемлекләр алуга тота.
Суд И. Гарифуллинны чит кеше милкен урлауда гаепле дип тапты һәм аны, дәүләт файдасына хезмәт хакының, 15 процентын тотып, 1 ел 6 айга төзәтү эшләренә хөкем итте. Әлеге җәзаны ул җирле үзидарә органы белән җәзаларны үтәтү инспекция- се килешеп билгеләгән урыннарда үтәячәк.
Суд карары әлегә законлы көченә кермәгән.
Радик Хәбибуллин,
Арча районы
прокуроры
урынбасары, юстиция советнигы