Киләчәк өчен тавыш бирик

Киләчәк өчен тавыш бирик
Тиздән Татарстан Республикасы Президентын һәм җирле үзидарә органнарына сайлаулар була. Район сайлаучылары бу турыда нәрсә уйлый.
Арчада яшәүче Илгиз Баязитов:
— Татарстан Респуб- ликасы Президенты сайлауларына һичшиксез барачакмын. Туган җөмһүриятебез язмышына битараф карарга ярамый. Сайлаулар нәтиҗәсе бездән — сайлаучылардан тора. Тормыш дәрәҗәсенә килгәндә, ерак барасы юк, Арча шәһәре күз алдыбыз- да көннән–көн матурлана, төзекләнә бара. Менә безнең өч балабыз бар. Ана капиталы алдык, күп балалы гаилә буларак, торак шартларын яхшырту максатыннан җир бирделәр. 7нче сыйныфта укучы олы улыбыз Илназ быел баян буенча бөтенроссия конкурсында 3нче дәрәҗәдәге диплом алып, Анапада ял итү бәхетенә иреште. Районның сәнгать мәктәбендә шөгыльләнә. Укытучысы — Заһидә Мингалимовна. Әле менә августта уртанчы улым Нияз белән Сочида Олимпия шәһәрендә ял итеп кайттык. Мин үзем иминиятләү компанияләренең берсендә эшлим. Елга ике тапкыр чит илгә форумга барып кайтабыз. Эшлекле сәфәребез ял белән бергә үтә. Эшлим дигән кешегә эш бар, дияр идем мин. Камиллекнең чиге юк, кеше мәнфәгатьләрен кайгырту юнәлешендә яңадан–яңа президент программалары булыр әле, дип ышанабыз. Мин барыбызны да сайлауларда катнашырга һәм үзебезнең киләчәгебез өчен тавыш бирергә чакырам.
Румия Надршина