Иҗат дөньясында

Иҗат дөньясында
Газиз Пошалымы турында җырлар башкарып сагынып–саргаеп яшәмәве белән бәхетле Рөстәм. Чөнки җырчының күп вакыты авылда уза. Авылда аның гаиләсен, оныкларын сагынып көтеп торучы газиз кешесе — әнисе Разия апа гомер итә. 85 яше белән баручы ана, үз аякларында йөри, кош–корт асрап, улының Татарстанга гына түгел, дөнья буйлап сибелгән татар халкына моңнарын бүләк итүенә куанып яши. Ә җырчы, туган ягына һәрвакыт үзгә дәрт белән кайтып, көч җыеп китәм, ди.
Рөстәм Закировның Татарстанның халык артисты дәрәҗәсенә лаек булуына инде елдан артык вакыт узды. Шөкер, аның кебек шәхескә нинди генә дәрәҗәле исемнәр дә чын кеше булып калырга комачауламый. Казанга укырга киткән елларында, кунарга урын булмыйча, пианино өстенә башын салып студиядә йоклаган чаклары аз булмыйча, үз тырышлыгы белән югары дәрәҗәләргә ирешкән егет бервакыт борынын күтәрмәс, ихлас, олыны — олы, кечене кече итәр, якташларын кайда гына очратса да якын туганын күргәндәй ихластан шатлана белер кеше ул. Шушы көннәрдә җырчы редакциябездә кунак булып китте. Форсаттан файдаланып аңа берничә сорау биреп калырга да өлгердек.
— Рөстәм абый, дәрәҗәле исемгә ия булгач, җавап- лылык тагын да өстәлгән кебек булмадымы?
— Дәрәҗәле исемнең, әлбәттә, үз таләпләре бар. Җырларны аеруча җиренә җиткереп башкарасы килә. Бу исемгә лаек булып, яңа җырлар яздырып, халык җырларын онытмыйча тагын дистә еллар иҗат итәргә язсын иде дип телим. Бүгенге көндә халыкка, элеккеге сыман җыр тансык түгел. Шөкер, күкрәк тутырып үз телебездә аралаша, җырлый алабыз. Тик кешене уйландыра торган тирән мәгънәле җырлар күбрәк язылсын, радио–телевидениеләрдә тапшырулар күбрәк чыксын иде.
— Якын арада тамашачыны нәрсә белән сөендерер- гә телисез?
— Быелгы концерт турын туган туфрак фатыйхасын алып, үзебезнең Арча районыннан башлап җибәрергә ниятлибез. Концертта тамашачы яратып өлгергән популяр һәм халык җырлары белән беррәттән, әлбәттә, яңа җырлар да яңгыраячак. Иҗатташ дусларыбыз белән бергә балаларыбызның да катнашуы көтелә.
— Балаларыгыз сәнгатькәр гаиләдә үсүләре белән горурланамы?
— Элегрәк Айратның безнең сәхнәдә булуыбызны кабул итеп бетерәсе килми иде. Тик хәзер һәр нәрсәгә үз карашы бар, артистлар безнең белән йөреп, җыр- чылар белән аралашып җыр сәнгатен шактый аңлый башлады. Кайчак безгә дә балалар фикеренә колак салырга туры килә. Айратка 14 яшь, быел музыка мәктәбенең саксофон классын бетерде, Миләүшә 4 сыйныфта укый, фортепиано, бию түгәрәкләренә йөри. Балаларны карау, мәктәпкә йөртү Люция өстендә. Сәхнәдән тыш Люция тамада буларак та эшчәнлек алып бара. Иҗатта, яңа җырлар сайлаганда аның белән бер–беребезнең фикеренә колак салабыз. Люциянең матур җырлары чыкса, мин үземә караганда да аның өчен шатланам, чөнки ул яңа җыр өстендә аеруча тырыша.
— Сезнең сәхнәгә аяк бас- каныгызга инде өч дистә елга якын. Шул еллардагы тамашачы белән хәзергесе аерыламы? Тамашачы мәхәббәтен тоясызмы?
— Тамашачы төрле жирдә төрлечә. Сине яратулары ул, нигездә, башкарган жырыңнан тора. Жырчы башкарган жыры белән генә түгел, башкару осталыгы белән дә халык күңелен яуларга тиеш. Ә тамашачы мәхәббәтенә килгәндә, аны яуларга теләсәң, кем генә булсаң да кеше булып калырга, үзеңнең гамәлләрең өчен җавап тотарга тиешсең.
Розалия Зиннәтова