Муниципаль районнар Арча муниципаль районы

Арчада спорт бәйрәме

2015 елның 25 сентябре, җомга

Арчада спорт бәйрәме
Арчаның 5нче гимназиясе янындагы хоккей мәйданчыгы укучыларның гына түгел, өлкәнрәкләрнең дә яраткан урынына әверелде. Кышкы айларда көндез хоккей уйнасалар, кичләрен күпләр анда тимераякта шуарга йөри. Ә менә хәзер ул җәйге айларда да буш тормаячак. Быел биредә универсаль спорт мәйданчыгы төзелде. Татарстанда гына түгел, Идел буе федераль округында да бердәнбер икән ул.
23 сентябрьдә, кояшлы матур көндә, менә шушы мәйданчыкны ачуга багыш- ланган тантана булды. Анда Россия Федерациясе Президентының Идел буе федераль округындагы вәкаләтле вәкиле аппаратының Татарстан Республикасы буенча баш федераль инспекторы Ренат Тимерҗанов, Татарстан Республикасы яшьләр эшләре һәм спорт буенча министрының беренче урынбасары Хәлил Шәйхетдинов, Арча муниципаль район башлыгы Илшат Нуриев катнашты.
Мөхтәрәм кунаклар башта арчалыларның спорттагы казанышлары белән таныштылар. Шунда ук алар яулаган медаль һәм кубоклар да куелган иде. Якташларыбыз арасында республика, Россия, хәтта Европа чемпионнары да бар. Хоккей, футбол, баскетбол, тхэквондо, гер спорты, чаңгы, бокс, милли көрәш буенча уңышлар аеруча куандыра.
Быел менә 5нче гимназиядә хоккей сыйныфлары ачылды. Боз сарае, спорт комплексы һ.б. бик күп спорт корылмаларында җаның теләгән төр белән шөгыльләнү өчен мөмкинлекләр бар.
— Без боларның барысы өчен дә республика Президентына рәхмәтле, — диде район башлыгы Илшат Нуриев. — Шулай ук Идел буе федераль округы җитәкчелегенә дә рәхмәт! Республикада спортка менә шундый зур игътибар бирелә.
Россия Федерациясе Президентының Татарстан Республикасы буенча баш федераль инспекторы Ренат Тимерҗанов арчалыларга киләчәктә спорт өлкәсендә яңа уңышлар теләде.
— Бу мәйданчык Арча районына “А” хәрефенә башланганы өчен түгел, ә спорттагы казанышлары өчен бирелде, — диде ТР яшьләр эшләре һәм спорт буенча министрының беренче урынбасары Хәлил Шәйхетдинов. — Дөрестән дә, район бу өлкәдә күренекле урын тота, киләчәктә дә сынатмассыз, дип ышанабыз.
Тантанадан соң яңа кыр-да Арчаның 5нче гимназиясе һәм В.Ежков исемендәге 1нче урта мәктәбе футбол командалары арасында иптәшләрчә очрашу үтте.
Ильяс Фәттахов

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Россия гадәттән тыш хәлләр министрлыгының Татарстан Республикасы буенча Баш идарәсе башлыгы Ирек Кадамов хезмәттәшләрен һәм ветераннарны Россия янгыннан саклау көне белән котлады

Хөрмәтле коллегалар! Кадерле ветераннар! Бу истәлекле көндә үз гомерен янгын сүндерү эшенә багышлаган һәркемгә ихлас рәхмәтегезне һәм тирән хөрмәтегезне белдерергә рөхсәт итегез. Һөнәри бәйрәмем — Россия янгын күзәтчелеге көне белән котлыйм! Бу көн гражданнарның тормышын һәм Мөлкәтен яклауга юнәлтелгән кеше ихтыяры, белем һәм фидакарьлек тантанасын гәүдәләндерә. Янгын сүндерүче һөнәре-эш кенә түгел, ул югары дәрәҗәдәге профессионализмны, физик һәм психологик әзерлекне, шулай ук экстремаль шартларда кичекмәстән гамәлләргә әзерлекне таләп итә торган чакыру.

апрель, 2026 ел

Өмә-2026

Ел саен Татарстан Республикасында һәм Арча районында гадәттәгечә 1 апрельдән оешмаларның һәм район халкының бөтен көче белән районның санитар-экологик торышын яхшырту һәм уңай шартлар тудыру буенча киң күләмле эш алып барыла. Татарстан Республикасы Министрлар Кабинетының 19.03.2026 ел, №462-Р күрсәтмәсен үтәү йөзеннән Арча муниципаль районы Башкарма комитеты тарафыннан »Арча муниципаль районында санитар-экологик хәлне яхшырту буенча чаралар үткәрү турында"25.03.2026 ел, №241 карар расланды.

Консультация-метеорологик күренешнең интенсивлыгы турында кисәтү 06 сәгатьтән. 21 сәгатькә кадәр. 2026 ел, 29 апрель

2026 елның 29 апрелендә көндез һәм кич Татарстан Республикасы территориясендә 15-20 м/с тизлектәге көчле җил көтелә (Казанда 17 м/с кадәр).. Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә: Җил көчәйгәндә: 1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим. 2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла. 3. Урамда реклама щитларыннан, вывескалардан, юл билгеләреннән, электр линияләреннән ераграк торырга кирәк

Янгынга каршы махсус режим.

Хөрмәтле гражданнар! Татарстан Республикасы Министрлар Кабинетының 2026 елның 15 апреле 420 номерлы карары нигезендә 25 апрельдән 11 майга кадәр республика территориясендә янгынга каршы махсус режим кертелә. Бу чорда янгын куркынычсызлыгын бозган өчен штраф күләме икеләтә арта. Быел янгынга каршы махсус режимның төп үзенчәлеге- учаклар үрчетүне, каты көнкүреш калдыкларын, коры үләнне һәм чүп-чарны яндыруны тулысынча тыю. Шулай ук махсус янмый торган савытларда (мангал, жаровняларда һ. б.), җәмәгать туклануы объектлары территорияләреннэн тыш (рестораннар, кафе, барлар һ. б.), урман янгыннары куркынычы янаган торак пунктларда ,гражданнарнын бакчачылык яки яшелчәчелек территорияләрендә, урман янгыннары куркынычы янаган балалар ял итү һәм аларны савыктыру оешмалары, шулай ук урман массивлары белән чиктәш икътисад объектлары территорияләрендә ашарга әзерләү өчен ачык ут куллану тыела.

ЯҢАЛЫКЛАРГА ЯЗЫЛУ