Редакциягә беркөн Арча станциясе мәчете шәкертләре керде. “Районда Мәүлид бәйрәме узды. Без дә катнаштык. Аннан зур канәгатьләнү хисе белән, күп мәгълүматлар алып, мөнәҗәтләр тыңлап, шатланып кайттык. Ә ул бәйрәмне оештыручыларның берсе – безнең мөгаллимәбез Рая Фәтхуллина иде. Өлкән яшьтә булуына карамастан, ул яшьләрчә энергия, педагогларга хас игътибарлык, сабырлык, төгәллек белән белем бирә, безне әби-бабайларыбыз тоткан дингә өйрәтә”, – диделәр алар һәм мөгаллимәләренә саулык-сәламәтлек, гаиләсендә тынычлык, бәхет булып, киләчәктә дә бу изге хезмәтен дәвам итүен теләделәр.