Арча шәһәр башкарма комитеты җитәкчесе Рөстәм Касыймов шәһәрдә Сабантуйга әйберләр җыйнауны оештыруга багышланган киңәшмә үткәрде.
— Үзенә күрә бер бәйрәм итеп оештырырга кирәк аны, — диде ул. — Гармунчылар, күбрәк кеше катнашса күңелле була.
Әйбер җыюны бу шимбәдә 15 сәгатьтә башларга уйлыйлар. Күпләр бу көнне көтеп ала, бүләкне дә күптән әзерләп куйганнар. Ата–бабаларыбызның матур традициясе дәвам итә.