Муниципаль районнар Арча муниципаль районы

Казанлы EuroSkills 2016 Европа чемпионы булды

2016 елның 9 декабре, җомга

6 декабрь көнне Казанга Гетеборге шәһәреннән гомуми команда ярышларында беренче урын алган EuroSkills Россия җыелма командасы вәкилләре, Европаның WorldSkills 2016 чемпионнары кайтты.

EuroSkills 2016 — ярышлар гына түгел, бу — эш эзләү, укыту программалары турында мәгълүмат алу, европаның яшь, булачак югары квалификацияле белгечләре өчен очрашу урыны. Иң куанычлысы — шундыйлар арасында безнекеләрнең — татарстанлыларның да булуы. Узган ял көннәрендә Казанның “Техвент” компаниясе хезмәткәре Вадим Поляков “Суыту техникасы һәм кондиционерлаштыру” компетенциясе буенча Россия җыелма командасын тагын бер алтын медальгә баетып, Европа чемпионы булды. Вадим белән беренче урынны, аныкы кебек үк очколар җыеп, бельгияле һәм нидерландлы бүлеште.

Быел Россия җыелма командасы үз тарихында рекорд куйды — гомуми команда зачетында 15882 балл җыеп, 1 урынга лаек булды. Медаль саннары буенча, Россиянең җыелмасы 7 урында (ике алтын, ике көмеш, бер бронза). Бирелгән биремнәрне сыйфатлы итеп башкарган өчен җыелма команда вәкилләре 11 мактаулы бүләккә ия булды. Медальләр өчен барган 35 көрәшнең 32 сендә Россия җыелма командасы катнашты.

Үткәннәргә күз салсак, Россия җыелма командасы беренче тапкыр EuroSkillsка 2014 елда катнашып, 25 команда арасында 11 нче урын яулаган иде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Почта Татарстан эшмәкәрләре өчен MAX-та чат-бот эшләтеп җибәрде

Кече һәм урта бизнес эшмәкәрләре өчен Россия Почтасы Max мессенджерында махсус чат-бот эшләтеп җибәрде. Ул почта бүлекчәләренә кермичә генә төп бурычларны оператив хәл итәргә мөмкинлек бирәчәк. Чат-бот ярдәмендә тиз арада хат яки посылка җибәрүне рәсмиләштерергә, абонент тартмасын броньларга, курьер чакыртырга, электрон заказлы хатлар хезмәтен тоташтырырга, шулай ук почта җибәрүләренең статусын күзәтергә мөмкин. "Без клиентларыбызның почта белән үзара бәйләнешен гадирәк һәм нәтиҗәлерәк итәргә омтылабыз, барлык төп мәсьәләләрне бер төймәгә басып тиз арада хәл итүне тәэмин итеп. Яңа чат — бот эшмәкәрләргә вакытны һәм ресурсларны экономияләргә ярдәм итә, мөһим процедураларны тизләтә һәм үз эшләрен үстерүгә игътибарны юнәлтергә мөмкинлек бирә», - дип ассызыклады Россия Почтасы генераль директоры урынбасары Дмитрий Чудинов.

март, 2026 ел

Террорчылыкка каршы милли комитетның 20 еллыгы белән котлау

Террорчылыкка каршы милли комитет 2006 елның 10 мартында «террорчылыкка каршы тору турында» Федераль законның һәм Россия Федерациясе Президентының «Террорчылыкка каршы тору чаралары турында»Указының үз көченә керүенә бәйле рәвештә оештырыла. ТК террорчылыкка каршы көрәш эшчәнлеген оештыру һәм координацияләү максатларында төзелгән коллегиаль орган булып тора, аны башкарма хакимиятнең федераль органнары, Россия Федерациясе субъектларының башкарма органнары, җирле үзидарә органнары, шулай ук Россия Федерациясе субъектларындагы террорчылыкка каршы комиссияләр, Россия Федерациясе субъектларындагы оператив штаблар һәм диңгез районнарында (бассейннарда) оператив штаблар гамәлгә ашыра.

март, 2026 ел

Кайнар линияләр эше турында

Гражданнарга һәм оешмаларга тематик консультация бирүнең нәтиҗәлелеген арттыру һәм аларны вакытында сыйфатлы һәм дөрес мәгълүмат белән тәэмин итү максатларында 2026 елның 10 мартыннан 21 мартына кадәр Бөтендөнья кулланучылар хокуклары көненә багышланган «кайнар линия» эшли. Барлык кызыксындырган сораулар буенча халыктан шалтыратулар «кайнар линия» гә (8843-68) 2-41-47 телефоны аша (8843-68) көн саен 08.00 сәгатьтән 17.00 сәгатькә кадәр, ял һәм бәйрәм көннәреннән тыш, 12.00 сәгатьтән 13.00 сәгатькә кадәр тәнәфес буенча кабул ителәчәк.

март, 2026 ел

Татарстанлылар хәзер адресатка үзләренең хатларын яисә посылкаларын тапшыруларын мизгел эчендә документаль раслау ала алалар

Россия почтасы физик затлар һәм оешмалар өчен яңа сервис — тапшыру турында юридик әһәмияткә ия электрон хәбәрнамә эшләтеп җибәрде. Хәзер җибәрүчеләр шундук хатның яки посылканың адресатта булуы турында документаль раслау алырга мөмкин. Хәбәрнамә тапшыру фактын рәсми рәвештә теркәргә мөмкинлек бирә. Бу аеруча мөһим хатларны, посылкаларны һәм башка җибәрелгән хатларны тапшыруны тиз арада раслау кирәк булганда кирәк. «Мондый белдерү даими рәвештә рәсми документлар белән алмашучы компанияләргә, дәүләт органнарына һәм эшмәкәрләргә тапшыру сроклары һәм факты турындагы бәхәсләрдән качарга ярдәм итәчәк. Цифрлаштыру нәтиҗәсендә хезмәт күрсәтү хатлар һәм посылкалар тапшыруны раслауның традицион ысулларына гади һәм уңайлы альтернативага әверелде. Электрон версияне куллану шулай ук әйләнә ― тирә мохиткә уңай йогынты ясый, кәгазь куллануны киметә һәм табигать ресурсларына йөкләнешне киметә», - дип билгеләп үтте Россия Почтасының төбәк идарәсе директоры Илнур Мәхмүтов.

ЯҢАЛЫКЛАРГА ЯЗЫЛУ