ЯҢАЛЫКЛАР
2021 елның 2 апрелендә «Укучылар сарае» базасында белем бирү учреждениеләре укучылары арасында спорт туризмы (Залинг) буенча Арча муниципаль районының ачык беренчелеге булып узды.
Ярышларда Кукмара муниципаль районы, Балтач муниципаль районы, Яшел Үзән муниципаль районы һәм Арча муниципаль районы туристлары катнашты. Ярышларда барлыгы 64 кеше катнашты.
“Безнең мәктәпне ябалар, бүген шул мәсьәләгә багышлап җыелыш үткәрәләр, сез дә катнашсагыз әйбәт булыр иде”, – дип шалтыраттылар.
Әлеге хәбәргә башта ук ышанып бетәсе килмәгән иде. Әмма җилсез яфрак селкенми, диләр. Димәк, халык борчыла икән, монда ни дә булса бар.
“Демография” илкүләм проектның “Өлкән буын” Федераль проекты кысаларында районда 2019 елдан бирле озак вакытлы карау системасы эшләп килә.
Узган атнада медицина хезмәткәрләренә шифаханәләргә юлламалар тапшырылды. Алар озак еллар сәламәтлек саклау учреждениеләрендә эшләгән, 65 яшьтән өлкәнрәк булган, ковид белән авырып та “Рәхмәт, доктор” акциясе кысаларында бернинди түләүләр алмаган табиблар һәм шәфкать туташларына ковидтан соң тернәкләнү өчен бирелде.
Яңа Кырлай авылында мондые булганы юк иде әле, дигән хәбәр килеп иреште безгә.
Яңа Кырлай мәдәният йорты җитәкчесе Ранил Гарипов белән элемтәгә чыктык.
Ташламалы әйберне карап алырга кирәк. Аны бит көчләп бирмиләр.
– Кибетләрдә товарларга ташлама ясау модада хәзер, – дип шалтыратты бер ханым. – Кибеткә керсәк, үзебез дә кайсы товарга ташлама бар – шуны гына карап йөрибез.
26 мартта “Арча-Арена” Боз сараенда күңелле вакыйга булды.
Татарстан Республикасы хоккей федерациясе Арча районының 2015, 2016 елларда туган 39 малаена хоккей уйнау өчен киемнәр бүләк итте. Әлеге бүләкләрне район башлыгы Илшат Нуриев, федерация вәкиле Артур Садриев тапшырды.
РФ Хезмәт кодексының 136нчы маддәсе нигезендә, барлык эш бирүчеләр хезмәткәргә хезмәт хакы бирү көнендә үк исәпләнгән һәм тотылган суммалар турында мәгълүмат бирергә бурычлы.
–Нинди хәл ул: теләсә кайда белдерү ябыштыралар. Автобус тукталышларын матурладылар, чүп контейнерлары тирәсен яңартып торалар. Киләләр дә теләсә кая белдерү ябыштыралар. Соңыннан кубарып та алмыйлар. Ул белдерүләр яртылаш ертылып, җилфердәп, тирә-юньне ямьсезләп торалар. Тәртип булырга тиештер бит инде?! – дип редакциягә мөрәҗәгать иттеләр.
“Кызыл Яр” ширкәтендә бүгеннән үк язгы кыр эшләренә керешергә әзерләр.
“Гостехнадзор”ның Арча районы буенча баш дәүләт инспектор-инженеры Габделхак Касыймов кыр эшләренә катнашачак техниканы җентекләп тикшереп чыккач әнә шундый бәя бирде. Җитәкчеләр, белгечләр, механизаторларның тырышлыгы, җаваплы карашы нәтиҗәсе бу. Төзәтелгән тракторлар, арбаларны буяп бер рәткә тезеп куйганнар – һәркайсы бүген заводтан гына чыккан кебек.
– Элек-электән бу хуҗалыкта техникага шундый караш яшәп килә, – диде Г.Касыймов. – График буенча мондый техник карауларны һәр хуҗалыкта үткәреп чыгачакбыз. Басуда техник карау үткәрелмәгән техника эшләргә тиеш түгел!