ЯҢАЛЫКЛАР

Җиңү көненә багышланган митингка чыкмый калып буламы?! Юк, булмый! Кемне очратсам да, кем белән сөйләшсәм дә, үзләренең дулкынлануларын әйтәләр. Күзләрендә яшьләр...

Яңа Кенәр мәктәбендә “Бәхет биргән туган җирем” дигән XI төбәкара фәнни-гамәли конференция узды

РСФСРның атказанган укытучысы, Бөек Ватан сугышы ветераны Рәгыйб Халитовка багышланган әлеге чара быел аның 100 еллыгы уңаеннан уздырылды.

Арчадагы матурлык салоны җитәкчесе, эшмәкәр Екатерина Егорова “Беренче вице миссис Татарстан-2024” исеменә лаек булды

Республикада быел беренче тапкыр төбәкара “Мисс һәм Миссис Бизнес Татарстан” бәйгесе узды. Анда үз матурлык салонын булдыручы эшмәкәр, Арча кызы Екатерина Егорова да катнашты.

Арча станциясендәге күп функцияле үзәктә бокс буенча Арча шәһәре беренчелегенә ярышлар өч көн барды

Ярышларны Арча шәһәре һәм Татарстан Республикасының бокс буенча зона федерациясенең күзәтү советы рәисе Марат Галиев һәм тренер, район бокс федерациясе җитәкчесе, халыкара класслы спорт остасы Гөлүсә Галиева алып барды.

Арча үзәк китапханәсе ЗАГС бүлеге белән берлектә Гаилә елы уңаеннан “Гаилә – бәхет ачкычы” дигән очрашу үткәрде

Аңа төрле яшьтәге өч гаилә һәм өйләнешергә гариза биргән парлар чакырылды. Тамашачылар – алтынчы мәктәпнең унынчы сыйныф укучылары.

Халыкара гаилә көне уңаеннан Арчаның 8нче балалар бакчасында матур бәйрәм узды.

Әлеге көнне истәлекле итү, балалар белән әти-әни, бакча коллективы арасындагы элемтәләрне тагын да ныгыту максатыннан, уртанчылар төркеменә йөрүче балалар катнашында булды бәйрәм.

Арчада Җиңү көне уңаеннан районара ачык шахмат турниры үткәрелде

Анда Арча, Кукмара, Балтач, Биектау районнарыннан, Казаннан 45 кеше катнашты.

– Минем өчен дә, башкалар өчен дә бу иң зур бәйрәм. Җиңү бәйрәме, яшәү бәйрәме, – диде районның шахмат федерациясе җитәкчесе Марсель Хәлилов. – Әтием сугышның беренче көненнән үк фронтка киткән. Аңа ул чакта нибары егерме яшь булган. Берлинга барып җиткән. Аннан Япониягә каршы сугышка җибәргәннәр. Җиде елдан соң гына исән-сау өйгә кайткан.

Гөлфия Мәгъсумова белән Тәнзилә Вәлиева Оренбург өлкәсенә барып, җыелган гуманитар ярдәмне илтеп кайттылар. Аларны бик җылы каршы алганнар.

– Безгә төрле фикерләр ишетергә туры килде. Казанда бер таксист: “Сезгә дөнья кадәр акча түлиләрдер инде”, – диде. Безнең үз хисабыбызга ял алып, бушка йөрүебезгә ышандыра алмадык. Үзләре бер барып кайтсалар, андый сүзләр әйтмәсләр иде.

14 майда Арча районында “Аҗаган” Бөтенроссия хәрби-патриотик уенының зона этабы узды.

Арча, Әтнә, Балтач, Биектау, Югары Ослан, Яшел Үзән районнарыннан 10 команда үзара көч сынашты. Ярышларга җыелган 100 катнашучы белем-күнекмәләрен, җитезлекләрен, патриотлык хисләрен күрсәтеп, хәрби сынаулар аша уздылар.

Гыйнвар аенда гына да районда исерек килеш руль артына утырып юлга чыккан ун кеше тоткарланды

Арча җәмәгать суды аларны административ хокук бозуда гаепле дип тапты һәм җәза билгеләде.